Ri Wokajil Ajchajin Tinamit (PNC) xkib’an ri b’anow chajineb’al rech pa kub’al k’u’x kek’oji wi ri alaj taq ali, taq ala, alib’om alitom ri’, rech taqim kaq’atexik rech ke’ok taj pa kaq’ab’ ri nik’aj molaj b’anol k’ax. Eri b’anob’al ri’ are la’ tajin kumal ri rajchajinelab’ taq ri comisarías xuquje’ rech ri wokaj sak’ajil ajchajinelab’, ri keriqitaj pa taq rulewal amaq’ tinamit.
Pa junamil ub’anik kuk’ ri q’atb’al tzij rech ri Taqawokajnem rech Tijoninem (MINEDUC), eri PNC xupatanij ub’anik ri cholchak rech q’ateb’al k’ax xuquje’ rech uk’exik kib’anikil kek’oji ri ak’alab’, ri q’apojil ri alab’aom alitom pa utzilaj b’anowem, rech ya’ik uchuq’ab’il ri kik’aslemal xuquje’ rech uq’atxik ri k’axk’onem kub’an pa taq ri tijob’al ri winaqial ri’.
Ri cholchak xb’an utzijob’exik uwach are ri rech Educación xuquje’ Entrenamiento rech Kajawax ta kiwach ri Pandillas (G.R.E.A.T.), jeri’ ri Policía Tu Amigo, ri Exploradores Policiales, ri Atención chi ke Primera Infancia “Lesh xuquje’ Leshy” xuquje’ Escuela Vacacional ri’. Pa le ub’anob’alil ri cholchak ri’, eri ajchajinel xkikotemal retzb’axik ub’anik ri tijonem chi saq che ri tijob’al, rech utaqixik ri chajineb’al q’ateb’al k’axk’onem kumal ri molaj b’anol k’ax.
K’uttijonem rech chajineb’al
Eri uwach ri b’anowem ri’, eri ajchajin tinamit xkib’an utzijob’exik chi ke ri ajtijoxel rech nab’e q’attijonem, rech ukab’ tanaj q’attijonem kuk’ ri rech uk’u’x tijonem ri’ chi rij ri chajinelab’ ib’ chi re ri k’axk’ol pa tijob’al, rech ukojik kab’anik ri okem pa keme’uwachwuj, rech maj jun kutijo awan kunb’al ruk’ taq ritzelal kuya ri’ ruk’ ri k’ax kupetisaj, ruk’ nik’aj chik runimal tzij rech no’jib’al uq’atexik ri k’axk’olil ruk’ kaq’atexik kuwach nik’aj molaj b’anol k’ax rech k’ot winaq kakichap kuk’ ri’.
Eri xek’oji ri winaqixel a Lesh ruk’ ri al Leshy e’are k’ut kakib’an retz’exik katijoxik ri e’ajtijoxel, rech kakib’an utz che ri b’anikil ri’ ruk’ jun k’aslemalil rech k’amansab’al chi ke ri ak’alab’, ri ajtijonel, ri tat nan.
Eri kopanik ri ajchajin tinamit ri’ kukowirisaj ri b’anow chajinem chi rij ri rachoch ri tijob’al ruk’ b’anow puqtzukunem rech q’ateb’al k’ax are chi’ ke’okik xuquje’ are chi’ keb’el loq ri alaj taq tijoxel pa kachoch, rech qas e chajim chi la’ k’ut xuquje’ rech uq’atexik taq ri b’anow k’ax qaraj kape chi kij taq ri winaqilal.
Ub’anik kachapik ri winaq kakib’ano
Jacha ri tzijol kub’ij ri Subdirección General rech Investigación Criminal (SGIC) rech ri PNC, eri pandillas ri maras jalajoj uwach ri kijatsaxik kakib’an kuk’ ri e q’apojil alab’om alitom pa taq rachoch tijob’al, kuk’ ri winaqilal xuquje’ pa keme’uwachwuj ri’.
Ruk’ ri tzijol kub’ij ri Subdirección General rech Investigación Criminal (SGIC) rech ri PNC, ri nik’aj pandillas ri maras
Eri uchakuxik are kamajtaj pa nojimal pa le ya’ik loq ri tob’anem, ri chajinem xuquje’ ruk’ pa tob’anik ri’. Jeri’ are la’ ub’anik ri kachapik kumal ri ajb’anol k’ax, eri uwinaqil nik’aj molaj b’anol k’ax are kakijito pwaq, k’aqb’al, awan kunb’al, sipib’aj jastaq kumal xuquje’ kakiya’o rech kechajin pa le molaj b’anol k’ax.
Rumal ri b’anow k’ax ri’, eri q’atb’al tzij xkib’an jun kasik’ixik ri winaqilal rech pa amaq’el kakib’an kuwenta rech wexa’ e k’o ri ajb’anol k’ax kakilo chi rij taq rachoch ri tijob’al xuquje’ chi rij taq kachoch ri winaqil, jeri’ kab’an le ilonem chajinik ri keriqitaj wi ri alaj taq ali, taq ala, ri e q’apojil, ri alab’om alitom ri’ rech kaq’atexik keb’e taj pa kaq’ab’ ri nik’aj molaj b’anol k’ax.
Ri PNC chi paq’ij chi chaq’ab’ kuk’am ri utzijol ri’ pa le 110, rech jachin wexa’ k’o ri kakaj kakib’ij k’a pa tinamit.