Eri sak’ajil ajchajinelab’ ri’ kuya uchuq’ab’il b’anik uchak ri taqawokaj ri’ rech kenab’ejik rech uq’atexik ri xib’ib’an k’ax xuquje’ ri molaj k’ax pa amaqib’.
Eri nimatob’anik chi kuxo’l ri Iximulew ruk’ ri República rech Corea pa ub’anik ri chajinem ri k’o nim upatanib’al ub’anom pa le ub’antajil ri Seminario rech Intercambio xuquje’ rech Eta’mab’alil rech ri Ukowirsab’al ri Seguridad rech Aviación pa Iximuelw, ya’tal kumal ri ajeta’manelab’ rech ri Club rech Becarios rech ri Agencia rech Cooperación Internacional rech Corea (KOICA) chi ke ri jun molaj Ajtijoxel rech Ajchajinelab’ rech ri LIX Promoción xuquje’ ajchajinelab’ rech unidades especialidades rech ri Wokaj Ajchajil Tinamit (PNC).
Ri b’anow tijionem ri’ kuya ri utzijob’el utzijoxik ri utz taq b’anob’alil, ri junamisab’al ub’anik puqtzukunem xuquje’ ri ya’ik uchuq’ab’ ri ri chak ch’ojinik kumal ri wokaj ajchajin tinamit. Xuquje’ kuya’o ri kichakub’al ri utz kakikojo pa le b’anow chajinem chi ke ri winaq e b’enaq pa taq ri xik’ach’ich’, kuk’ konojel ri winaq keriqitaj pa rachoch k’olib’al aeroportuaria rech ri amaq’ tinamit.
Eri viceministro rech Seguridad, Roberto Solórzano, ri xnab’ej che ujaqik ri b’anowem, sib’alaj xub’ij chi k’o nim upatanib’al ri chajinem aeroportuaria ri’ rech uq’atexik ri nuk’molaj b’anol k’ax pa keb’ amaq’ib’ ri’ xuquje’r ech kaq’atexik taq ri b’anow k’ax ri maj pa usaqil. “Pa le sub’ij wiri’ eri k’ax ri’ kutoq’ij k’o jun nim le rilik uq’atexik kab’anik ruk’ ri chajinem aeroportuaria ri’ ri k’o pa le usuk’ilal ri chajinem Amaq’”, xcha’.
Xuquje’ ri viceministro Solórzano xub’ij che ri tob’anik chak ri’ b’anom rumal ri wokajil ajchajil tinamit ruk’ ri Dirección General rech Inteligencia Civil (DIGICI) are ub’anom nim upatan pa nab’ejsab’al ub’ixik che k’o k’ax xib’ib’anem, che rajawaxik kaq’atexik k’axk’olil, xuquje’ rech kab’anik ri chajinem, pa le ub’anik jacha taqom ub’anik kumal keb’ amaq’ib’ ri’ jacha ri ub’im rumal ri Organización rech Aviación Civil Internacional (OASI).
B’anik chak patan rumal taqawokaj
“Eri molaj riqon ib’ retalil jun b’anow ya’tal rech b’a’ pa kemon chak ub’ ub’anik ri tob’anik, ri utzijob’exik ri je’l et’amab’al ri’ xuquje’ rech ya’ik uchuq’ab’ taq ri taqawokaj ri’ k’a pa taq ri kichakunib’al ri katob’anik rech ya’ik uchuq’ab’ ri chajinem rech ri wokaj uxik’ach’ich’ ri amaq’ tinamit. Ri toq’im b’anik chak ri’ are rajawaxik k’o nim uchuq’ab’ chi uwach ri k’ax xib’ib’anem ri kajalan pa amaq’el xuquje’ kuq’axe’j taq ri k’ulb’a’til”, xcha’ ri k’amal b’e rech ri PNC, David Custodio Boteo.
Eri a Custodio Boeto xuquje’ sib’alaj xub’ij che k’o upatanib’al katern’exik ub’anik ri je’l katijoxik ajchajil tinamit xuquje’ rech kaya uchuq’ab’ chak patan kumal ri taqawokaj rech katob’anik che ub’anik ri chajinem rech ri aviación ri’. “K’o jun kaqatem ub’anik, kiqaq’atej ri k’ax, kachajixik winaq xuquje’ tob’anik ri’ rech b’a’ ri Iximulew pa amaq’el kak’oji jun kow rachoch aeroportuaria pa kub’alil, kub’al k’u’x xuquje’ rech pa jun chik q’ij kuq’atej ri k’ax rech chanim rech chuwe’q kab’ij”, xcha’.
Komon uchakuxik
Eri Deuk Hwan Kim, embajador rech ri República rech Corea pa Iximulew, xub’ij che ri riqonem ib’ kub’an utzijob’exik ri utz no’jb’anem k’aslemal xuquje’ kuya uchuq’ab’ ri kichakunik ri wokaj ajchajin tinamit rech Iximulew.
Xub’ij che nim ri utzilal ri tob’anik chi kuxo’l ri Policía Nacional rech Corea, ri Ministerio rech Gobernación (MINGOB), xuquje’ ri PNC, k’o jun nim upatan ub’anom pa le junab’ ri’. “Pa ub’i’ ri Embajada, kaqab’an k’ut le nimachak rech kak’oji nik’aj chik tob’anem pa junamil ri’ rech ya’b’al uchuq’ab’ chi kuxo’l ri keb’ amaq’ib’ nimatinamit ri’”.
Xuquje’ xopanik ri cónsul rech Policía rech ri Embajada rech Corea; Sung Hun; ri inspector general rech wokaj chajinem xuquje’ ri k’amal b’e rech ri (KOICA), a Jeongshin Cho. Ri chak ri’ xb’an pa le 7 rech octubre pa le Club rech Oficiales rech ri PNC, k’o pa le zona 6 rech nimatinamit aj iximulew.