Ri molaj rech ri K’amal B’e rech Chajinem xuquje’ to’b’ab’al ib’ pa kemtz’ib’ab’al ri’ xe’umol ri eta’manelab’ rech xtzijoj ri k’aslemam chak kib’anom, rech keriq k’axk’onem kesuk’umaxik xuquje’ ri tob’anem rech uq’atexik ri xib’ib’anem pa keme’uwachwuj pa kaqiq’ tzijonem.
Eri Iximulew ri’ kuya uchuq’ab’ ri kichak taq ri wokajilal rech ketob’anik pa le chak rech uq’atexik ri k’ax rech ub’antajil pa keme’uwachwuj pa kaqiq’ tzijonik pa b’anik taq to’b’anik na’ojinem eta’amanik. Pa le k’olib’al ri’, eri viceministra rech Tecnología, al Karen Ortíz, xk’oji pa le molaj rech tziijonem, rech ri Red Nacional rech Ciberseguridad xuquje’ Ciberdefensa, ri ruk’ utob’anik ri Centro rech Estudios rech Defensa Hemisférica William J. Perry.
Eri chak ri kib’antaj chi kiwach xuquje’ pa kemtz’ib’ab’al, ruk’ kitob’anik ri e’ajchak eta’manelab’ rech taq amaq’ib’ ri kaktzijoj ri k’aslemam chak kiq’axem, e’ajsolol le rilik taq ri k’ax b’antajik kimik xuquje’ ruk’ taq suk’umalil ya’talik rech b’anik tob’anem ya’ik uchuq’ab’ ri ciberseguridad xuquje’ ri ciberdefensa pa we amaq’ tinamit.
Eri Ri riqb’al ib’ k’o chi ruk’ ri ki’kotem uka’yeb’alil ri Maximiliano Scarimbolo, ajk’amal ub’e Ministerio rech Seguridad Nacional rech Argentina, ri are jun katob’anik pa le tzijon rech taq eta’mab’al ruk’ ri uk’aslemam chak rech pa le ub’anik ri kitob’anik ri amaq’ib’ xuquje’ reta’maxik ri chak rech kaq’atexik taq ri b’anow taq xib’ib’anik pa keme’uwachwuj pa kaqiq’ tzijonem.
Eri b’anob’al taq riqonem ib’ katob’anik rech kuya’ uchuq’ab’ ri tzijonem rech chomanik chi kuwach ri e’ajno’jchak kuk’ ri b’anonelab’ ri chajinem pa keme’uwachwuj pa kaqiq’ tzijonik, rech kach’ob’ik uwach taq ri toq’im chak xuquje’ ri ya’talil rech kab’an utz taq kib’antajik ri wokajilal chi uwach ri uq’atexik taq ri xib’ib’an winaq k’a pa le keme’uwachwuj pa kaqiq’ tzijonem.