Ri b’anon ri chajinem ruk’ ri q’ateb’al k’ax are xub’an ri’ rech pa amaq’el b’anik maj b’anon k’ax pa le uk’olib’al ri Central rech Mayoreo (CENMA), k’o pa zona 12 rech Villa Nueva, pa le uq’ij ri Cholchak Q’ateb’al K’ax rech ri Uq’atexik ri B’anon K’ax, ri xb’an ri’ pa le 19 rech septiembre pa le oxib’ q’ij rech octubre.
Ri puqtzukunem ri’ rech xutaqij uq’atexik ri b’anon taq k’ax pa le rilik usolixik kitzijol taq ri winaq ruk’ taq ri ch’ich’ keb’insaxik, jeri’ rech uriqik loq awan taq jastaq. Eri chajinem tzukunik ri’ xek’oji ri wokaj taq rajchajinelab’ kuk’ ri subdirecciones rech ri Wokajil Ajchajil Tinamit (PNC), ri rajchajinelab’ ri Policía Municipal rech Tránsito rech nimatinamit Iximulew xuquje’ rech Villa Nueva ri’, ruk’ utob’aik ri Wokaj Rajchajinelab’ Amaq’ Iximulew.
Uwach ri chak xb’an pa le q’ateb’al k’ax
Uwach taq ri chajinem tzukunik, eri q’atb’al tzij xkiya utzijol che xilotaj kitziijol e 570 chi winaqil, ri kiwujil e 93 chi kejach’ich’ xuquje’ ruk’ 70 chi ch’ich’ keb’insaxik, k’o 30 chi tojb’al rech pa nimab’e xkoj ri’.
Xuquje’ k’o kajib’ chi k’aqb’al q’aq’ xriqik xuquje’ k’o oxib’ chi winaq xechapik. E k’o keb’ chi kejach’ich’ xeriqik, xuquje’ k’o jun kejach’ich ruk’ jun b’insal ch’ich’ xekam b’i pa q’atb’al tzij.
Ri q’ateb’al k’ax are kuya uchuq’ab’ ri chajinem
Eri q’atb’al tzij rech ajchajil tinamit sib’alaj xkib’ij che pa le q’ij rech xb’an ri cholchajinem tzukunik man k’ot ajb’anol k’ax xechap chi la’, are wa’ xub’ano rech sib’alaj xkub’isax kik’u’x ruk’ ri chajinem ri’ ri e’ajk’ayinelab’, ri e’ajchak xuquje’ ri winaq che ri kewa’kat pa CENMA ri’.
Eri chajinem tzukunik ri’ are uwach taq ri jalajoj uwach taq ri q’ateb’al k’ax tajin ub’anik pa junab’ ri’, are jun chi ke ri’ le Semáforo Seguro, pa le ub’anob’alil wari’ eri wokajil ajchajil tinamit xkinab’ejsaj kib’ che uq’atexik taq ajb’anol k’ax, ri rilik kitzijolil ri winaq xuquje’ ri b’insal ch’ich’ ri b’anon puqtzukunem chi la’ k’ut.