Pawe q’ij kimik 24 rech noviembre eri Ministerio rech Gobernación (Mingob) xkimaj uq’axik ri chak patan pa uq’ab’ ri k’ak’ k’amal b’e Amaq’ ri’. Are xb’anik pa jun riqb’alil ri’, rech xunimaxik ri Proceso rech Transición 2023-2024 taqim ub’anik rumal ri K’amal B’e Amaq’, Alejandro Giammattei, k’amatil ub’e rumal ri Ministro rech Gobernación, Byron René Bor Illescas ri’ pa le Salón Mayor rech we taqawokajil ri’.
Le puede interesar: Ministerio de Gobernación inicia transición con el gobierno electo
Eri Patanel rech ri Taqawokajnem Ya’olchajnem pa Amaq’ xumaj ri riqb’al ib’ ruk’ ri ub’ixik ri ucholchak tajin kub’an pa le patanem ri’. Are chi’ e rachb’ilam ri Viceministros rech ri Taqawokajnem xuquje’ ruk’ ri K’amal B’e Wokajil Ajchajil Tinamit (PNC). Xuquje’ are jun xk’oji ri Ministro rech Trabajo xuquje’Previsión Social, Rafael Rodríguez ri’ ri xk’oji che ajwoksolin upatan ri K’amal B’e amaq’ pa le q’axenik ri’. pa ub’i’ ri taqawokaj amaq’il xek’oji ri Chistian Espinoza, Aarón Argueta, Sebastián Hernández xuquje’ Francisco Jiménez, xuquje’ ri rajchomanel ri Organización rech ri Estados Americanos (OEA) pa Iximulew, Diego Paz ri’.
Eri Viceministros kuk’ ri ajk’amol ub’e ri PNC xkitzuj ub’anikil ri chak b’anom pa le q’atenik ri’. xuquje’ xkitzuj che pa nik’aj chik junab’ petinaq rech are katerenb’ex ub’anik. Pa le riqb’al ib’ sib’alaj xtzijoxik rajwaxik kakojik ri Control Telemático ri’. “Are la’ jun chakuja xkoj pa q’atenik ri’ xuquje’ are tajin k’uttijonem chi rij ub’anikil chi ke ri e ajq’atol Tzij. Chanim k’ut, e 18 ri winaqib’ che ri kojom chik chi ke”, xcha’ ri Bor Illescas.
Le puede interesar: Gobernación inaugura subestación en San Luis Jilotepeque, Jalapa
Chi rij upatanexik ri Transformación Policial ri’, eri patanel ri’ xub’ij che are tajin ub’anik jun k’uttijob’enik chi rij ri’ rech kakojik rech chajinem ri’. eri q’atb’al Tzij rech ri taqawokajil xkib’ij k’ut che pa jun chik lunes ri’ kakiterenb’ej kakimol chik kib’ wari’ rech kaya utzijol ri chak tajin kakib’an ri k’amoj ub’e q’atenik chak xuquje’ kumal ri chakuja che e uwach ri Ministerio rech Gobernación.