Paq’ij kamik ri’ xq’axexik pa jun q’axeb’al tzij jun tzijolinem rumal ri Ministro rech Gobernación, David Napoleón Barrientos, rumal ri’ xuya utzijol che xkojotaj jun komon ajchomanelab’ rech kechakun pa komonchak ri’ rumal xchapataj ri jun achi ub’i’ Ovidio Guzmán López alias El Ratón, uk’ajol ri jun Chapo Guzmán paq’ij iwir pa México, rumal ri’, xtaq jun nimchajinem pa k’ulb’a’t juyub’ ruk’ ri nimatinamit le’.
“K’a xya’taj ub’ixik k’ut ri utzijol ri’ xmajtaj jun nimchomanik chi rij, rumal xchapataj k’ut, k’o jun nimak’ax kak’ulmataj kumal ri molaj b’anol k’ax ri’, rumal ri’ sib’alaj tajin uch’ob’ik jas ri kakib’an ri q’atb’al tzij pa le nimatinamit mexicano k’o panoq xuquje’ rech keyexik ri kab’antaj rech kaq’atexik ri’”, xcha’ ri Barrientos.
Eri wokaj nimatinamit ri’ k’o ri k’ax kab’an pa taq kulewal kumal ri kawinaqil ri nik’aj b’anol k’ax ri’, rumal ri’ tajin rilik ri b’anoj chajinem tzukunik pa taq k’ulb’a’t juyub’ ri’.