Rech b’a’ maj solkoponik ch’ich’ pa taq nimab’e ri’, kumal ri ch’ich’ xuquje’ kejach’ich’, we q’ij kamik eri Viceministro rech Q’atel ka’x, Carlos García Rubio, ruk’ ri Ajkalte rech Villa Nueva, Javier Gramajo, xb’an unimaq’ij rech xujaq uwach chi’ ri Cholchak rech Q’atel k’ax “Misión Cero”, pa le kilómetro 14 nimab’e CA9.

Eri ya’ltzijol ri’ pa amaq’el kab’an ri’ xuquje’ are la’ rech kemol juntir ri winaqil rech Villa Nueva, rech kakijipij utzijoxik ri’, che kab’an ri puqchajinem rech kaq’atexik ri tijowtzam kumal e winaq chi’ rech b’anoj jun utzilem chi ke ri winaqil chi’.

Eri Carlos García Rubio, Viceministro rech Q’atel k’ax, xub’ij eri Villa Nueva ri’ are jun tinamit che ri karaj kuq’atej ub’ixik chi ke ri winaqil rech kakisolkopij ta kib’ ri ch’ich’ pa taq nimab’e ri’. “Eri winaqil rajwaxik kakijipij ub’ixik ri q’alanem q’atenik ri’, rech kepixb’anik pa nojimal kakib’inisaj ri kich’ich’, rech kakikoj ri tob’al kijolom xuquje’ rech kakisak ta kib’ xuquje’ rech utz kuwach ke’opan pa kachoch ri’”.

Eri b’anoj q’atenik k’ax ri’, are k’o pa reqele’n ri Subdirección General rech Q’atel k’ax, rech ri Wokajil Ajchajil Tinamit, rumal ri’ ukojom ri escuelas vacacionales xuquje’ ruk’ ri cholchak rech ketijox ri ak’alab’, taq ala, taq ali xuquje’ ri e q’apojil chi rij rilik uch’ob’ik ri k’ax kub’an chi ke ri winaq kakitij ri tzam, are la’ rech uq’atexik solkoponik ch’ich’ pa taq nimab’e ri’.

Eri Javier Gramajo, Ajkalte rech Villa Nueva, xub’ij che e k’o winaq saq ta kitzij suk’ ta keb’inik we kakitij ri tzam xuquje’ kakib’inisaj kich’ich’, keb’e pa suwan ri’. “Eri Rajchajinel Q’atb’altzij pa Tinamit ri’ kakikoj ri esal rachib’al chajinem pa tinamit ri’, kakikoj retab’al taq tzam chi ke taq e ajb’inisal ch’ich’, rech keb’e ta pa suwan, kekamik”.

Eri Plan Misión Cero xumaj k’ut we q’ij kamik xuquje’ kuterenb’ej ub’anik pa jun chik junab’ rech kuq’atej maj jun ch’ich’ kab’e ta chik pa suwan ri’.