Eri q’atb’al tzij xkib’an le rilik taq k’ak’ chakunem uk’olib’al ri k’ak’ kemechakub’al ri chajinem rech ya’ik uchuq’ab’ ri kachajixik ri winaq e’ajb’inisaxel pa taq ereb’al ch’ich’.
Eri q’atb’al tzij xkib’an ri solinem pa le rachoch le nimalaj uk’olib’al ri Aeropuerto Internacional La Aurora rech xkisolij ri chak rech xyak ri k’olib’alil ri’, ri k’ak’ kemechakub’al ruk’ ri chajinem, jeri’ xkilo ri b’anow chajinem ri’ rech xkiya uchuq’ab’ ri kachajixik ri winaqil e’ajb’inisaxel pa taq ri ch’ich’. Eri b’anob’alil ri’ are utaqim ub’anik utz che ri chajinem xuquje’ rech utz ri okib’al pa le keqaj wi ri xik’ach’ich’ rech ri amaq’ tinamit.
Pa le solinem, eri q’atb’al tzij xkib’an usolixik ri kichak patan ri Wokajil Ajchajil Tinamit (PNC) chi rij uq’atexik ri nima’q k’ax, ri chajinem xuquje’ ri jikomal pa le uq’axeb’al xik’iach’ich’. Xuquje’ xkil ri ukojik ri k’ak’ no’jchakub’al pa le uk’olib’alil uka’yexik uterne’xik chajinik xuquje’ ri chakub’al le rayos X, ri chakub’al rech katob’anik ri utzilaj b’anik solinem, rech ya’el uchuq’ab’ ri k’olib’al chajinem xuquje’ rech uq’atexik ri k’ax wexa’ kak’ulmataj tane’.
Pa le solinem b’inib’al ri’ xk’oji wi le viceministro Antinarcótico xuquje’ rech Seguridad Fronteriza rech ri Ministerio rech Gobernación, a Víctor Cruz, xuquje’ le viceministro rech Transporte rech ri Ministerio rech Comunicaciones, Infraestructura y Vivienda (CIV), a Fernando Suriano, kuk’ rajchomanel ri Dirección General rech Aeronáutica Civil (DGAC) ri’ xuquje’ kuk’ rajchomanelab’ ri Mesa Interinstitucional rech Tinamit ruk’ ri k’o rajchoq’e.
Eri kemon katob’anik ri wokajil ri’ are kub’an uterne’xik ri utzilal pa le yakon ja k’olib’al xuquje’ ri chajinem rech ya’ik uchuq’ab’ ri b’anow taq chajinem ri’ xuquje’ rech katob’anik pa le b’anow taq puqtzuunem pa aeroportuarias ri’ rech pa kub’alil kak’oji ri’, rech pa ub’anik utzilal chi ke ri winaq e’ajb’inisaxel chi’ xuquje’ chi saq chi re ri amaq’ tinamit.