Eri rajchajinelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xkiriqo xkichupisaj uwach 34,563 raqan ichaj tiko’n rech marihuana, eri pwaq rajil are Q17,281,500 ri’. Eri utiko’nib’al ri awan kunb’al ri’ are xriqitajik pa taq ri puqtzukunem xb’antaj pa k’isb’al wuqq’ij kanoq pa rulewal taq tinamit rech Amaq’ Iximulew.
Jun chi ke ri puqtzukunem ri’ are xb’an pa taq ri k’ache’laj rech Momostenango, pa Chuwi’meq’ina’, chi la’ k’ut xqupixik 19,420 rajilab’al chi raqan ichaj tikolik rech marihuana ri’, eri rajil kab’ixik are Q9,710,000 chi pwaqil ri’. Pa le Caserío Ixmucané rech Las Cruces, Petén, xriq wi 15,143 rajilab’al chi ichaj tiko’n rech marihuana, eri rajil kab’ixik are kopan pa Q7,571,500 chi pwaqil ri’.
Eri wokajil ajchajil tinamit sib’alaj xkib’an ri chajinik pa taq ri puqtzukunem ri’, rech xkitzukuj, xkiriqo ri tiko’nib’al rech taq ichaj awan kunb’al ri’. Xuquje’ xkikub’isaj ub’anik ri kachajixik ri winaqilal xuquje’ ri chajinem pa taq ri k’ache’laj e k’o pa solinik kiwach taq. Eri b’anow puqtzukunem ri’ xb’antaj ruk’ ri katob’ank rajq’atol tzij ri Ministerio Público (MP).
Eri puqtzukunem ri’ kumal chajin tinamit rech q’ateb’al taq awan kunb’al, xuquje’ rech kuya uchuq’ab’ ri ch’ojinik rech kaq’atexik taq uwach ri awan kunb’al ri’, jeri’ rech kaya’ik uchuq’ab’ ri kaq’atexik taq ri molaj b’anol k’ax rech rin narcotráfico xuquje’ ri molaj b’anol k’ax pa taq amaq’ib’ chi’ pa rulewal amaq’ qatinamit.