Ri kichak xikib’an ri e’ajchajinelab’ e’ajtzukunel chi kij ri molaj ajb’anol k’ax itzelal pa Iximulew
Ruk’ ukojik jalajoj taq ub’e’al ri tzukub’al xuquje’ ruk’ b’anom taq chak patan pa taq k’olib’al taqim le rilik, ri nim taq pa kawokajil rajchajinelab’ rech ri Subdirección General rech Investigación Criminal (SGIC) rech ri Nimawokajil Ajchajil Tinamit (PNC), ri xkikoj kachuq’ab’ che nimalaj uq’atexik kipwaqil ri nik’aj taq molaj b’anol k’ax ruk’ ri Q2 millones 379 mil 310, chi pwaqil b’otolik ri xriqitajik pa le 27 rech agosto k’a pa le 17 rech septiembre rech we junab’ ri’.
We chak ri’ xub’an ri uqasaxik kachuq’ab’ nik’aj e’itzel taq molaj winaq ri’, ruk’ kichapik e 395 chi winaqil kib’im chi e’ajb’anol taq k’ax itzelal ri kib’anom jalajoj taq kimak, kachi’l e 26 chi winaqil kib’im chi e k’o pa taq ri molaj b’anol k’ax Barrio 18 xuquje’ e k’o e’oxib’ kib’im chi e k’o pa taq ri Mara Salvatrucha (MS) ri’.
Chi rij ri uriqik 516 chi k’aqb’al q’aq’ man ya’tal taj keqaxik, are la’ sib’alaj k’o nim upatanib’al rech xq’atexik ri kamsanik xuquje’ ri nimalaj k’ax. Pa ronojel ri k’aqb’al q’aq’ xriqitaqjik e k’o 46 ch’uti’q taq k’aqb’al, 11 raqarik taq k’aqb’al, 4 chik nim raqan ch’ich’ k’aqb’al, 3 alaj k’aqb’al kamisab’al ruk’ 3 nim raqan ch’ich’ k’aqb’alil
Ri ajchajil tinamit junam ri kechak kuk’ ri ajtaqanelab’ rech ri Ministerio Público (MP) xkib’an 516 puqtzukunem pa taq kachoch winaq kumal ri q’atb’al tzij ri’, ri xkimol k’i taq k’utb’al mak b’anow k’ax b’anom, eri kichapik nik’aj winaq ri’ ri xeq’alajinik chi e’ajmak xuquje’ xkoj nim uchuqab’ uchuq’ab’ ri tzukub’al chi rij taq ri jalajoj e’ajb’anom k’ax.
Chirij ri taq kaxonilib’al rech videovigilancia ri awam ukojik b’anom, xe’esaxik 108 cámaras man ya’tal taj k’ot pa usaqil, ri e kojom pa taq jaqb’al k’olib’al che kilik ri winaq pa le ramaj kajb’al pa taq k’olib’al pa tinamit rech kakiterne’j le rilik kachajixik ri winaqil xuquje’ ri rajchajinelab’ ri wokaj ajchajil tinamit pa taq le wokja k’olib’al taqim usiloxik. We chak ri’ xb’antaj ruk’ kitob’anik ri rajch’oj rajchajinel ri Taqawokaj rech ri Amaq’ Iximulew.
We taq ukaxonilob’al rech videovigilancia xriqitaj pa taq le colonia El Limón, zona 18 rech ri nimatinamit; pa le colonia Lomas de Azacualpilla, rech Palencia; pa taq ri colonias Amparo I, Sakerty, Landívar xuquje’ pa Granizo, zona 7 rech ri nimatinamit; pa le colonia Manuel Argueta, zona 3 rech ri nimatinamit; pa le Ciudad Quetzal, rech San Juan Sacatepéquez ri’; xuquje’ pa taq ri colonias Villa Hermosa I xuquje’ II, zona 7 rech San Miguel Petapa ri’.