Are taqim uterenb’exik ya’el uchuq’ab’ ri kakowin che upatanixik ri Subdirección General rech Q’atel Awan kunb’alil (SGAIA), jeri’ ri reqe’lenel ri Fuerzas Tarea Interinstitucionales Tecún Umán, Xinca xuquje’ Chortí, ri Quinto Viceministro rech Gobernación Fernando Manolo Rodas de León, xkiriq kib’ we kamik kuk’ ri Oficiales rech ri Wokajil Ajchajil Tinamit (PNC) Oscar Casimiro xuquje’ ri Gunnar Cardona, eri e keb’ ri’ e rech ri Subdirección General rech ri Ch’ob’on Tijob’enik rech ri PNC ri’.
Pa riqoj ib’ ri’, xchomax wi kamajtaj chi b’i pa jumul chik ri Curso rech Especialización pa Comando rech Operaciones Antinarcóticas, ri xtanab’ uwach pa keb’ junab’ kanoq xcha’ ri Oficial Primero Gunnar Cardona.
Ri Quinto Viceministro xub’ij che ruk’ wari’ are kaya’ uchuq’ab’ ri kakitijoj kib’ chi rech xuquje’ rech kakowixik ri kichak ri jujun taq chakunja ri’ ri k’o pa le taqawokajil ri’ rech ub’anik jun utzalaj q’atenik chi ke ri narcotráfico ri’.
Eri jun b’anoj uya’ik we jun retal tijob’enik ri’ are kumajo oxib’ pa kajib’ ik’ ri’ xuquje’ are wa’ kamaj ub’anik ruk’ jun sik’inem kab’an chi ke ri e 200 e ajno’j eqe’lenel ri’.
“Xuquje’ kamajtaj b’i pa jumul chik uya’ik ri Tijonem chi ke ri Tz’i’ e Eqe’lenel ri’, are wa’ rech ketijoxik rech k’o utzalaj b’anoj chak kakib’an pa taq ri unidades especiales e aj iximulew ri’”, xcha’ ri viceministro Rodas de León.