Ri 18 bancadas e’ajk’isb’al pa le Moot Legislativo Interuniversitario 2026 xkib’an uk’utik xuquje’ ri xkik’ottzijob’ej ri cholchak rch ri Taqanem Tzij chi rij ri b’anow chajinem pa le Sesión Plenaria xb’an pa vierne ri’ 7 rech agosto pa le Nimalaj Taqawokaj rech Taqanib’al pa Amaq’ Iximulew ri’.
Ri jujun jupuq e’ajtaqanib’al ri’ xenajtib’ keb’ minut rech xkib’an utzijob’exik ri cholchak taqanem tzij xkiya ub’ixik pa le nimalaj taqawokaj rech taqanib’al pa amaq’ tinamit ri’. Te k’u ri’ e wajxaqib’ chi ajtzijonelab’ xkiya ub’ixik ri ub’anikil ri cholchak pa k’ottzijob’exik ri’ xuquje’ eri jupuq taq e’ajtaqanib’al xetzijon chi rij ri ya’tal pa kaq’ab’ rech xkito’o uwach ub’ixik ri kipatanil chi kuwach ri e’ajk’otol chi ke.
Pa le nimalaj rachoch taqanib’alil ri’ xopan wi le viceministra rech Tecnología rech ri Tzijolinem xuquje’ rech Tzijob’enik, nimanan al Karen Ortíz, ri are k’ut xub’an le rilik ri k’ottzij xb’an kumal ri e’ajtijoxel ri nimatijob’al ri’ pa uto’ik uwach ri cholvhak rech taqanem tzij ri xya ub’ixik rech xk’oji pa le nab’e opanib’al pa le urox ub’anik we etz’anem tzij ri’.
Pa le q’ijol ri’ xek’oji pa kat’uyub’alil ri b’ancadas e’ajk’isel ri’ pa le Innovación Ciudadana Petenera ri’, le Jusegua, le Ratio Juris, le Forjah, le UMG Huehue, le Ala Legislativa, le Alianza Joven pa Acción, le Ágora UVG, le IUDICIUM, le Alianza ECP, le Alianza por la Equidad APE, le IUS Nova, le TTU, le Ética, le Voces rech Occidente, le Sinergia, le Real xuquje’ le Prevención Nacional ri’.
Ri cholchak ri’ are xmajtaj ub’anik rumal ri Dirección rech Estudios xuquje’ Investigación Legislativa (DEIL) rech ri Congreso, rech b’a’ eri e’ajtijoxel rech taq ri universidades kakib’an ri kichak ri diputados xuquje’ rech kaketa’maj ri chak kub’an ri Nimalal Taqawokaj rech Taqanb’al, jeri’ taq ri b’anow uchakuxik, ujachik xuquje’ uto’ik uwach ri cholchak rech taqanem tzij ri’.