Rech b’a’ kaq’atexik ri e’ajb’anol taq k’ax ri’ xuquje’ ruk’ ri b’anow k’ax xb’antaj ri puqtzukunem pa kemonchak kumal ri wokaj utz taq ajchajinelab’ rech ri Wokajil Ajchajin Tinamit (PNC) kuk’ ri wokaj e’ajchajinel Amaq’ Iximulew, pa taq ri colonias La Esperanza, El Mezquital I xuquje’ II xuquje’ pa nik’a k’olib’al rech ri zona 12 rech Villa Nueva, Iximulew.
Pa taq le puqtzukunem ri’ k’o uk’olib’alil ri b’insam chajinem xkoj chi la’ pa tinamit xuquje’ pa taq nik’aj chik k’olib’alil rech pa le wokja chi la’. Pa taq ri k’olib’alib’al ri’, eri wokajil ajchajin tinamit sib’alaj xkib’an rilik kitzijol taq ri winaqil, rech xkilo wexa’ k’o e taqom kichapik xuquje’ rech xkilo we keqam ri kiwujilal ri’.
Xuquje’ xb’an usolixik pa taq ri e b’insam ch’ich’ rech xkib’an le rilik wexa’ k’o e kojom pa uq’axexik taq awan jastaq kunb’al ri’ jacha ri kakikoj ri ajb’anol k’ax ri’. pa junamil ri’, xkib’an k’ilaj taq q’ateb’al k’ax xuquje’ xeb’e che kaqan pa k’ax taq rokib’al k’olib’alil rech xkitzukuj chi la’ ri resal achib’al chi la’, ruk’ taq ri kejach’ich’ e eleq’am b’i xuquje’ xkitzukuj ri awan taq tiko’nib’al ichaj rech awan kunb’al.
Ub’anik no’jchakunem
Eri a Sebastián Miranda, taqanel rech puqtzukunem rech ri Comisaría 14 rech ri PNC, xub’ij che ri puqtzukunem ri’ are la’ xb’antajik rech rilik taq tzijol, rech rilik kib’anikil winaq ri’, rech uriqik taq awan jastaq kunb’al xuquje’ rech ya’ik nim uchuq’ab’ ri chajinem winaqilal. “Eri PNC ri’ sib’alaj katajin che ri uchakuxik ri’ rech ub’anik kachajixik kanimaxik ri winaqil ri’”, xcha’.
Eri puqtzukunem xb’antaj ri’ are kab’ixik pa le xchap wi loq ri jun ixoq 29 ujunab’, ri taqom uchapik ri’ rumal e k’o winaq xe’utaqchi’ij rech xkitij awan kunb’al ri’. Rumal ri’, xk’am b’i pa q’atb’al tzij rech kachomaxik chi rij ri b’anow ka’x xub’ano.
Xuquje’ xk’am b’i pa q’atb’al tzij keb’ kejach’ich’ ri kab’ixik xe’eleq’ax b’i pa tinamit. Rumal ri’ eri b’anow puqtzukunem ri’ are la’ kab’an pa nik’aj chik k’olib’alil rech kaq’atexik nik’aj molaj b’anol k’ax, rech kakub’isax ri chajixik ri winaqilal ri’ xuquje’ rech ya’ik uchuq’ab’ ri chajinem rumal ri Amaq’ ri’.