Pa taq ri tzukunem b’anom rumal ri Subdirección General rech Análisis rech Información Antinarcótica (SGAIA), rech ri Wokajil Ajchajil Tinamit (PNC), ub’anom kowonem uriqom chik Q56 millones 559 mil 113.72 chi pwaqil pa kaq’ab’ ri narcotráfico pawe junab’ ri’.
Are wa’ chi pwaqilem rajilab’al juntir ri pwaqil riqom, ruk’ ri jastaq meb’il riqom pa taq b’anoj k’ax ri’.
Eri Ministro rech Gobernación, Francisco Jiménez, xub’ij ri’ ri K’amol Ub’e Amaq’ Bernardo Arévalo ruk’ ri ukab’ k’amal b’e amaq’il Karin Herrera ri’ kikub’isam kaq’atexik ri narcotráfico, are la’ xkiya utzijolil ri chak kib’anom chik ri ajchajinelab’ antinarcóticas pa uq’atexik ri b’anon k’ax pa tinamit.
Pa le nab’e q’ij rech enero k’a pawe q’ij chanim e k’o chik 84 chi uwinaqil ri narcoactividad e chapom chik. Xuquje’ e k’o oxib’ chi uwinaqil narcotraficantes xechapik rech xetaq b’i pa q’atb’al tzij japache’ rech Estados Unidos rech América, are la’ kuya’ uchuq’ab’ ri k’amq’ab’chak kumal ri kemon taqawokajilal rech uwachulew ri’ pa le uq’atexik ri k’ax ri’.
Eri puqchajinem xb’anik rech xq’atexik ri tiko’nib’al ichaj rech awan kunab’alil are la’ ub’anom upatanib’al ri’. Porom chik 146 mil 329 raqan ichaj rech marihuana xuquje’ 9 mil 600 chi ichaj tiko’n rech coca, xuquje’ xq’atexik 0.25 chi nimaq’ pajib’alil awan kunab’al xuquje’ uk’u’x b’anob’al awan kunab’al ri’.
Xuquje’ k’o 2.02 kilogramos rech cocaína riqom, ruk’ 632.11 upajb’alil chi marihuana ri’ xuquje’ ruk’ 0.28 upajb’alil ri crack xriqik. Xtulisax jun awan kiqajib’alil xik’ach’ich’ ri’ pa le Democracía, Escuintla ri’, k’o 901 chi etok’al raqan xuquje’ 65 uwach ri’.
K’o ri pwaq xriqitaj ri’, k’o Q165 mil 985.50 ri’, k’o US $10 mil 448 y €100 pwaqil ri’ b’otolik. Jeri’ xriq 24 chi ch’ich’ keb’inisaxik, 175 ch ub’aq’ k’aqb’alil, 75 chi k’olib’al ub’aq’ k’olib’al xuquje’ job’ chi k’aqb’alil, rumal kab’ixik are wa’ jun nim kaq’atexik ri narcotráfico xb’an pa tinamit Iximulew.