K’o nim riqon cocaína b’anom pa le nab’e oxib’ taq ik’ rech pa junab’ ri’.
Are wa’ nimachak tajin kumal reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) ri’, ruk’ wa’ jun nim kaq’atexik ri nik’aj molaj b’anol k’ax che ri kakib’an ri narcoactividad pa le rulewal qatinamit aj iximulew. Are chi’ xmajtaj loq ri junab’ ri’ k’a pawe q’ij ri’ ruk’ uriqik wa’ ri qaraj k’o Q747 millones 326 mil 874.46 chi pwaqil, rajil taq ri riqon awan kunab’al b’anom, ruk’ jastaq, k’aqb’alil xuquje’ ri pwaqil b’otolik riqom.
Eri qas riqom ri’ are 6 mil 015.41 kilogramos rech cocaína, ok’owinaq chi uwach ri 2 mil 034.73 kilogramos rIqom pa junab’ir 2023 ri’. xuquje’ riqom 474.35 kilogramos rech marihuana, 3.69 kilogramos rech crack xuquje’ 1.87 rech metanfetaminas ri’. Are rajilab’al juntir ri riqom pa taq ri puqchajinem tzukunik b’anom pa le q’atenik awan kunab’al pa Iximulew.
Eri poranem taq tik’on rech awan kunab’al ri’ are la’ qas taqim uporoxik rumal ri taqawokaj amaq’il qatinamit. Rumal ri’ porom chik 1 millón 490 mil 240 raqan ichaj tiko’n rech amapola ri’, 1 millón 166 mil 418 uche’al taq riko’ rech coca xuquje’ 198 mil 103 chi ichaj tiko’n rech marihuana ri’. xuquje’ porom chik 0.85 nima’q eqa’n uk’u’x b’anob’al awan kunab’al, are la’ kojom kumal nik’aj molaj b’anol k’ax ub’anik taq ri awan kunab’alil.
Eri Ministro rech Gobernación, Francisco Jiménez sib’alaj xuya utzijolil ri puqchajinem tzukunik ri’, are la’ xb’anik rech xporoxik ri ichaj tiko’n rech coca chi la’ Petén ri’, eri rajil are kopan pa Q4.5 millones chi pwaqil ri’. Xuquje’ xub’ij chewe awan kunab’alil ri’ ri xchupisax uwach man k’ot chik k’axk’olil kub’an tane’ chik chi ke ri ak’alab’il kuk’ ri e ab’om alitom pa Iximulew ri’.
Pa taq ri puqtzukunem ri’ xuquje’ xeq’atexik nik’aj chik molaj b’anol k’ax, ruk’ uporoxik ri jun narcolaboratorio awalik xuquje’ ruk’ utulisaxik ri jun kiqajib’al ri xik’ach’ich’ k’o pa le Democracia, Escuintla ri’, are la’ kab’ixik kojom che uk’ulik utaqik b’i ri awan kunab’alil pa rulewal aj iximulew.
Xuquje’ e k’o 348 chi wianqil e ajb’anol k’ax e k’o ruk’ ri narcoactividad xuquje’ kuk’ e kajib’ chi uwinaqil e narcotraficantes xechap ri’ rech xetaq b’i pa q’atoj tzij pa le Estados Unidos rech América. Jeri’, xriq loq ri nimapwaqil kopan pa Q706 mil 919.95, US$ 127 mil 995, €4 mil 098 xuquje’ L50 ri’, jeri’ e k’o 82 chi ch’ich’ xeriq ri’, k’o 46 chi k’aqb’alil xriqik xuquje’ keb’ nima’q jukub’ ch’ich’ pa uwi palow ri’.
Eri nab’ejsab’al b’anonem chak ri’ rumal ri K’amal B’e rech Iximulew pa uchakunib’al ri Ministerio rech Gobernación (Mingob) are la’ tajin katob’anik pa le ya’ik uchuq’ab’ ri puqchajinem tzukunik pa kaqiq’ cho kaj, pa uwi palow xuquje’ pa taq tinamit rech pa le kaq’atexik ri narcotráfico xuquje’ ri molaj b’anol k’ax pa taq amaq’il nimatinamit, are wa’ kuk’ub’isaj kik’olib’emal ri winaqilal, ri jikom taqanem xuquje’ ri chajinem pa tinamit ri’.