Eri reqa’lenel ri Comisaría 14 rech ri Wokajil Ajchajil Tinamit (PNC) chaq’ab’ ri’ xkichap e kajib’ chi elaq’omab’ ri ke’elaq’ pa taq ri ch’ich’ pa le colonia La Reformita, zona 12 rech ri nimatinamit Iximulew. Rumal k’ut pa aninaqil xe’opan ri wokajil ajchajil tinamit xb’antaj kowonem xechap rumal jun winaq pa awalik xub’ij loq pa le 110 rech ri PNC.
Eri nik’aj xechapik e are a Bernardo Otoniel R., 36 ujunab’; a Yostin Estuardo C., 20 ujunab’; a Fredy Leonel S. ri’ xuquje’ a Robin Lisandro M., alias “Spanky”, 23 ujunab’, e are k’ut xkeleq’aj kijastaq ri winaqixel e b’enaq pa le jun ch’ich’ rech ereb’al winaq pa tinamit ri’.
Pa le puqtzukunem chajinik xriqitajik jun rachib’al jun k’aqb’alil, are kab’ixik xkixib’ij ri winaqil xkib’an k’ax chi kech. Xuquje’ xeriqitaj k’i ch’aweb’al, chomapwaq, wujilal xuquje’ kijastaq ri winaqil xkeleq’aj ri’. xuquje’ xriqitajik xchapik jun ch’ich’ P-874DTQ, are k’ut xkikojo rech xekanimajik are chi’ xkib’an ri k’ax.
Eri q’atb’al tzij, Bernardo R. e nik’aj winaq xkib’an ri elaq’ ri’ xuquje’ kiya’om ta kipwaq kiwa ri kachalal pa 2019 ri’. Rumal ri’ xchap ri a Fredy S. xuquje’ ri a Yostin C., ri xkib’an ri elaq’ pa 2021, xuquje’ a Robin M., are chi’ reqam jun ka’qb’al maj uwujil pa 2018. Konojel ri xechapik xek’am b’i pa q’atb’al tzij chi rij ri k’ax xkib’ano.