Eri reqa’lenelab’ ri Wokaj Ajchajinelab’ e Ajtzukno’jchak xuquje’ e Ajq’atenel Paqs’ik rech taq Nimaq’ij ub’i’ (DIDAE), rech ri Wokajil Ajchajil Tinamit (PNC) xkichap k’ut jun achi ub’i’ a Brayan Humberto Meléndez Cute, 21 ujunab’, are k’ut xchapataj qajib’al q’ij kamik pa le 21 avenida 4-32 zona 11 rech pa uk’u’x nimatinamit. Eri jun b’anol k’ax ri’, xya utzijol kumal winaqib’, che are jun chi ke ri elaq’omab’ rech pa taq semáforos ri’.
Eri q’atb’al tzij rech ajchajil tinamit xkib’ij rumal e k’o k’i taq winaq ri xb’an k’ax chi ke xkiya’ loq ub’ixik ri’ che chi la’ k’ut pa taq le centros comerciales ri’ sib’alaj kewa’kat wi nik’aj elaq’omab’ ri’, rumal ri’ sib’alaj xetzukux chi la’ k’ut, rumal ri’ xb’antaj kowonem xchapataj jun elaq’om ri’ub’i’ a Meléndez.
Eri jun elaq’om ri’ reqam jun k’aqb’al calibre 38, are chi’ xchapik, ri maj uwujil reqam tane’.
Rumal ri’ eri jun elaq’om ri’ a Brayan Meléndez xk’am b’i pa q’atb’al tzij rech kaq’at tzij pa uwi rumal ri k’ax xub’ano.