Rumal k’ut pa aninaqil xkitzukuj xekowin k’ut xkiriq ri alaj ne’

Rumal k’ut eri ajchajil tinamit pa aninaqil xkitzukuj ri alaj ne’ xekowin k’ut xkiriqo, rumal ri’ eri reqa’lenel ri Departamento rech Investigación rech Kiq’atexik ri Ak’alab’ xuquje’ Q’apojil che ri k’o q’atb’altzij chi kij ri’, uq’ab’il ri Wokajil Ajchajil Tinamit (PNC), are ri ajchajinelab’ ri’ xkesaj jun alaj ne’ pa kiq’ab’ nik’aj eleq’omab’ ri’ xuquje’ e k’o keb’ winaq xechapataj chi rij wari’.

Eri alaj ne’ ri’ are utz uwach xuquje’ k’aslik xriqitaj loq, aretaq xk’am b’i rumal jun ixoq ri xujit ya’el tob’anik che ri unan ri alaj ne’ ri’ ri xnimatajik aretaq xalax ri alaj une’ ri’.

Pa aninaqil k’ut xya’taj utzijol pale Alerta Alba Keneth rumal ri’ xmajtaj utzukuxik ri xk’is chaq’ab’ ri’ pa le 48 avenida xuquje’ 18 calle rech chi la’ colonia ri’, chi’ k’u ri’ xchapataj wi loq a Bacilia Josefina Orozco Ordóñez xuquje’ Erikson Caleb Ajualip Castañeda  28 ujunab’, kab’ixik e are xkeleq’aj b’i ri alaj ne’ ri’.

Eri q’atb’altzij xkiya’ loq utzijol che nik’aj winaq ri’ e chapom chik k’o jun kunb’al rech xkiwartisaj ri unan ri alaj ne’ che, rech xkechb’ej xkik’am b’i ri alaj ne’ ali kuk’.

Eri jun b’anoj k’ax ri’ are xk’ulmatajik pa le 12 rech noviembre kanoq pa jun k’olib’em rech ri colonia La Chácara, zona 5.
Eri alaj ne’ ri’ are xjach b’i pa uq’ab’ ri Procuraduría General rech ri Amaq’il rech te k’u ri’ kajach pa uq’ab’ ri rachalal pa rachoch ri’.

Alerta de Corrupción

Ultimas noticias