Eri e’ajno’j reqa’lenel ri Wokajil Ajchajinel E’ajq’atel pandillas ri’ (DIPANDA) rech ri Wokajil Ajchajil Tinamit (PNC), xkichap loq keb’ chi achijab’ pa taq b’anoj tzukunem ri’, rumal kab’ixik e’ajtoq’il pwaq chi ke winaq ri’.
Eri jun chi ke ri xechapataj ri’ are ri’ jun achi ub’i’ Reimon Omar Sagastume Chali, 24 ujunab’ ri’, pa le kilómetro 13.5 carretera al Atlántico, 40-23 Colonia lo de Rodríguez, zona 25 ri’, are chi’ xopan che uk’amik ri pwaq sib’alaj xkitoq’ij chi ke nik’aj taxistas rech chi la’ k’ut.
Xuquje’ pa le colonia María Luisa I, Aldea Santo Tomas de Castilla, Puerto Barrios, Izabal ri’, eri reqa’enel ri DIPANDA ri’, e are xkichap loq jun achi ub’i’ Víctor Alfonso Gordillo García 29 ujunab’, ri taqom uchapikr umal q’atb’al tzij ri’ rumal b’anoj toq’inik pwaq chi ke winaq ri’.