Eri ya’el uchuq’ab’ ri b’anoj tzukunem ya’olchajinik ri’ are rech uq’atexik ri b’anoj taq toq’inik pwaq chi ke winaq pa Chimaltenango ri’, eri uq’atexik b’anoj toq’inik pwaq ri’ are wa’ qas taqim uq’atexik pa le Korlim Ya’olchajiinik rech q’atel k’ax pa taq le oxib’ uq’ab’ tinamit chi’, jeri’ xuya’ utzijolil pa tzijolinem ri K’amal b’e Amaq’, Alejandro Giammattei Falla, ruk’ ri Ministerio rech Gobernación, Edgar Godoy xuquje’ ruk’ ri viceministro rech seguridad, Gendri Reyes.
Eri ub’anikil rajilanik ri’ are xjach uwach rumal ri k’amal b’e amaq’ are chi’ xuya’ ub’ixik ucholaj che pa taq le waqib’ q’ij che ri xnajtib’ ri korlim tzukunem ya’olchajinik ri’ e k’o 932 awam b’iw ub’ixik xya’taj loq, k’o 236 chi b’anoj tzukunem xb’antaj ri’, e k’o 80 chi winaqil xechap loq, k’o Q114 mil chi pwaqil xraqataj kuk’ ri elaq’omab’ e ajtoq’il pwaq xuquje’ e k’o 1 mil 615 chi eqa’lenel rech ri Wokajil Ajchajil Tinamit (PNC) xetaq ri’, kuk’ 1 mil 412 chi eqa’lenel a ajchajil amaq’ xuquje’ e k’o 150 chi q’atol tzij rech ri Ministerio Público xetatb’en chi’.
Xuquje’ k’o b’anoj tzukunem ya’olchajinik xb’antaj pa taq japache’ kech achijab’ xuquje’ ixoqib’ chi’, are wa’ rech ya’el uchuq’ab’ ri ya’olchajinik ri’, chi’ k’u ri’ e k’o jastaq maj pa usaqil xeraq loq jacha’ ri ch’awib’alil eqam, ruk’ chips, awam kumb’alil, ruk’ kib’i’ winaq e cholajisam pa wujil kumal e ajpache’ ri’ xuquje’ k’o kolomch’ich’ rech k’amoj retal internet ri’.
“Juntir ri’ are wa’ uwach ri xoksaxik pa le b’anoj ch’ob’oj ri xub’an are maja’ na kab’an ri tzukunem pa le oxib’ uq’ab’ tinamit che ri qas keraqataj wi ri pandillas che b’anoj k’ax ri’, xaqil k’ut che k’o kuwach kuk’ ri molaj b’anol k’ax ri nik’aj e ajtuc tuc chi’, rumal ri’ kaqab’ij che ri ajkalte rech qas kurilo chinaq e ajchoq’e ri ch’ich’ ri’ kakoj chi’, rech uq’atexik b’a’ b’anoj k’ax chi ke ri winaqilal chi’”, xcha’.