Are wa’ uwach ri b’anow ya’el uchuq’ab’ ri chajimem xuquje’ ri kemonchak kuk’ ri nima’q wokajil pa amaq’ib’, eri ministro rech Gobernación, Marco Antonio Villeda, xub’an jun molin ib’ rech choman chak ruk’ ri taqanel rech ri Ofician rech ri Nima Comisionado rech ri Naciones Unidas rech ri Refugiados ub’i’ (ACNIR) pa Iximulew, a Vito Trani, pa le nim wokom rachoch ri Ministerio rech Gobernación.
Pa le riqonem ib’ ri’, eri keb’ kuwach q’atb’al tzij sib’alaj xkib’ij chi k’o nim upatanib’al rech kaya nim uchuq’ab’ ri cooperación interinstitucional rech ya’el uchuq’ab’ ri chajininem, rech tob’anem kumal keb’ amaq’ib’, rech b’anik toq’ob’ chi ke ri winaqilal xuquje’ rech pataninik winaqil kito’om kib’ e petinaq chi’.
Jeri’ xsiloxik ub’anik ri jachom chak ri’ ri kuya’o uchuq’ab’ ri b’anow kemonchak rech uchomaxik taq ri rajawaxik pa wokajilal, rech kanimarsax uwach ri ilonem kato’ik winaqilal xuquje’ rech katoq’ax uchomaxik ri’ rech ya’ik utzilal chi ke ri winaqilal che ri winaqil kito’om kib’ keriqitaj chi’, ruk’ nimaxik taq ri ya’talil chi ke ri winaqil xuquje’ rech kaloq’axik kab’an utzilem chi ke taq ri winaqib’.
Eri riqonem ib’ ri’ xuquje’ are utaqim uya’ik ri tob’anem chi re ri wokaj amaq’ib’ rech kaya uchuq’ab’ ri chak pa taqawokajil xuquje’ rech kab’an ri ilonem utzilal chi ke ri winaqilal che ri keriqitaj pa meb’a’ilem ri’, rech pa kemonchak kakichakuj kuk’ taq ri wokajilal ri’.
Ruk’ ri b’anow taq chak ri’, eri Ministerio rech Gobernación sib’alaj tajin kub’an ri kemonchak kuk’ taa ri nima’q taq wokajil rech taq amaq’ib’ ri’ rech kaya’ik uchuq’ab’ uchak upatan ri Amaq’ xuquje’ rech katoq’axik uchomaxik ri tinamit rech ri tob’anem pa le b’anow chajinem, eri b’anik utzilal che ri ya’talil chi ke ri winaqil ri’ xuquje’ are la’ jun nimachak kachomaxik kab’anik rech kab’inb’alil pa jikomal ri winaqil pa Iximulew.