Pa jalajoj taq upam q’ij are chi’ e k’o winaq kakib’an rumumem ib’ pa taq nimab’e rech kakib’an tijowchuq’ab’ chi kuwach, rumal ri’ eri reqa’lenel ri Departamento rech Tránsito rech ri Wokajil Ajchajil Tinamit (DT-PNC) xkib’an k’i taq chajinem q’atenik pa taq nimab’e rech kaq’atexik ri carreras clandestinas xuquje’ rech ri kechajix ri winaqilal pa tinamit.
Eri wokajil ajchajil tinamit pa junab’ ri’ kib’anom chik 120 chi chajinem pa ch’ich’ xuquje’ pa taq k’olib’alil che ri qas kab’an wi ri rumumem ib’ ri k’o q’atb’al tzij chi rij. Pa taq ri q’atenik ri’, ilom chik kitzijiol 205 chi winaqil xuquje’ 215 kitzijol taq ch’ich’ ri’. xuquje’ e k’o ch’ich’ kichapom chik xuquje’ kejach’ich’ ri kakipetisaj ri k’ax pa taq ri nimab’e pa tinamit.
Xuquje’ xkoj 233 chi tojb’al chi kij e ajb’inisal ch’ich’ rumal kakinimaj ta utzil ri Taqanem rech Tránsito ri’. E k’o nika’j xkoj ri tojb’al chi ke rumal ri kiwuj man utz ta chik, nik’aj chik rumal k’o ri placas keqam, nik’aj chik rumal k’ot ri casco keqam, nik’aj chik rumal utz taq chik releb’al ksib’ kich’ich’ xuquje’ ri q’ateb’al uqul, nik’aj chik rumal xaq kach’araririk uqul kich’ich’.
Rumal ri’ eri q’atb’al tzij xkib’ij chi ke ri tinamit winaqil rech chakiya b’a’ ub’ixik pa el 1599 xuquje’ wene’ pa le uwachwuj tz’ib’am pa kaqiq’. Eri ub’ixik ri’ are k’o nim upatanib’al rech kakib’ij loq jawchi’ kakimol wi kib’ rech keq’atexik rumal k’ut are kuya ri k’axk’olil pa taq nimab’e rech ri tinamit.