Eri Plan Operativo Táctico Integral 13-2022 Fase II xtaq wi ub’anik ri chajinem rech q’atenik ri e ajb’anol k’ax, rech q’atenik b’anoj k’ax xuquje’ rech k’o uchuq’ab’ ri ya’olchajinem kab’an pa taq k’ulb’a’t juyub’ amaq’il, pa katz’iniw taq b’e xuquje’ pa taq tinamit pa we amaq’.
Xuquje’ rech kaq’atexik ri k’ayin awan jastaqil, ri b’anoj ch’ijom k’ax chi ke ri winaqib’ pa jalajoj uwach ri’ xuquje’ rech kaq’atexik nik’aj pandilleros ri’, rumal nim kaq’atexik tajin pa El Salvador ri’.
Pa le b’anoj ya’olchajinem ri’, eri quinto viceministro rech Gobernación, Fernando Rodas xusolij uwach ri chajinem tajin kumal ri e ajchajil tinamit ri kojom pa taq le kilómetros 148 ri’ nimab’e kab’e pa frontera San Cristóbal, Jutiapa ri’ xuquje’ pa le 177 ri’ rech Vado Hondo, Chiquimula ri’.
“Eri ya’olchajinem ri’ are xtaq ub’anik rumal ri k’amal b’e amaq’ Alejandro Giammattei xuquje’ ri ministro rech Gobernación, David Napoleón Barrientos, rumal ri’ xechapataj e 69 chi winaqil ri’, e k’o e 25 e uwinaqil ri pandillas ri’”, xcha’ ri quinto viceministro Rodas.
“Eri kuwach ri e ajchajinel pa taq tinamit rech pa we amaq’, kukub’isaj ri reqele’n uchakunik ri Taqawokaj Amaq’ Iximulew ri’ ruk’ ri taqawokajnem rech ri ya’olchajinem pa Amaq’ pa le kachajixik winaqilal ri’”, xcha’ ri nim patanel ri’.
Rajilab’al ri xriqitaj ri’
Pa taq le tzukunem xb’an pa le 29 rech marzo pa le 25 rech mayo rech ri junab’ ri’, eri PNC xuta kiwujil kitzijol e 61 915 chi winaqil, e 39 222 chi ch’ich’, e 8050 chi kejach’ich’ xuquje’ e 1763 chi k’aqb’alil ri’.
Xuquje’ e k’o 2672 chi winaqil xechapataj b’i pa Iximulew ri’ rumal man kiwujillal keqam ri’. Jeri’ xriqitajik jo’lajuj chi ch’a’wib’alil ri’, kab’lajuj chi k’aqb’alil xuquje’ 196 chi ub’aq’ k’aqb’alil, ruk’ 32 chi ch’ich’, ruk’ jun kejach’ich’.