Rumal b’a’ are taqim ub’anik ri chajinem, q’atenik k’ax xuquje’ rech b’anoj ri chakunem ri’, eri Primer Viceministro rech Seguridad, Carlos Franco Urzúa ri’, ruk’ ri Director General rech ri Wokajil Ajchajil Tinamit (PNC), Héctor Leonel Hernández Mendoza ri’, ri Director General Adjunto, Edwin Ardiano ri’ xuquje’ ri Subdirectores Generales xkimol kib’ pa le nimaja rech riqoj ib’ rech ri PNC kuk’ ri taqanel rech taq ri comisarías xuquje’ ri no’j taq chakuja rech chajinem pa tinamit.
Eri riqb’al ib’ ri’ are la’ xb’antaj pa le uterenb’exik ri nab’e ri chajinem tzukunik pa unimaxik ri choltaqanem rech ri Cholchak 39-2022 ri’ rech ri “Ya’olchajinem pa Nimaq’ij Alaxib’al xuquje’ pa K’isb’al Junab’ ri’”.
Pa le riqb’al ib’ ri’ eri K’amal b’e rech PNC, Héctor Hernández, xutaq ub’ixik chi ke ri taqanel kech ajchajil tinamit rech are b’a’ qas kakinab’ejisaj uq’atexik ri chajinem rech uq’atexik ri b’anoj k’ax chi ke ri winaqil ruk’ kijastaq ri’, xuquje’ rech kakinimaj ub’anik ri cholchak rech puqchajinem tzukunik xuquje’ pa le ya’el uchuq’ab’ ri ub’e’al b’anob’al chajinem kub’sib’al k’u’x chi ke ri winaqil ri’.
Xuquje’, are qas xkikoj uchuq’ab’ ri ya’olchajinem pa taq ri nimab’e pa nimatinamit, pa taq kitak’alib’al ch’ich’ rech erelwinaq xuquje’ chi rij apanoq ri nimak’ayib’alil ri’.