Eri Unidad rech Control Telemático rech ri Ministerio rech Gobernación (Mingob) xumaj uchak pa we nab’e q’ij rech junio ri’, pa reqele’n uchak ri Centro rech Monitoreo, k’o pa le 6ª avenida “A” xuquje’ 14 calle, zona 1 uk’u’x nimatinamit, chi’ k’ut e ajno’j chakunel kitijob’em kib’ e are kechajin chi paq’ij chi chaq’ab’ pa le Dispositivo rech Control Telemático (DCT) ri’. Eri tob’chakub’al are la’ jun kakoj pa kimop ri e ajeqal rech ri’ ri kuya retal ub’ixik wexa’ kesax kumal pa chi saq, ri keriqitaj wiri’, ri we man kech’aw ta loq xuquje’ wexa’ kakaj kakib’an ri k’ax rech kakesaj ri tob’chakub’al ri’.

Eri Ministro rech Gobernación xub’ij che ri chakuja reta’m chik rech kumaj ukojik ri chakub’al DCT chi ke ri winaqib’ che ri kub’ij ri Organismo Judicial (OJ) kub’ij rech chinaq kakoj wiri’. “Eri Taqawokajnem rech Ya’olchajinem ri’ are la’ rajawtzij rech kuril upatanexik ri cholchak ri’, ri k’o 2 mil chi tob’chakub’al ri’ ruk’, ri maj jun k’ot ne’ utojom rech reqalexik, Are wa’ katoj chi kik’ ri keqan rech ri tob’chakub’al ri’ xuquje’ are la’ kuq’i’o oxib’ junab’ ri’”, xcha’.

“Sib’alaj kujki’kot ri uj aj uwinaqil rajchak ri Mingbo xuquje’ ri K’amal B’e rech Iximulew rumal k’ut wuqub’ junab’ chik tajin pa usaqil uchomaxik rech kakoj ri Control Telemático ri’ pa le q’atoj Tzij rech qatinamit, are la’ uwach uk’extajik ri q’atanem rumal ri q’atol Tzij ri’. Kab’an ri’ ilom k’uttijonik xuquje’ pa uwachwuj pa kaqiq’ ri’ kuk’ ri q’atol Tzij xuquje’ chi ke ri e ajchak pa tinamit rech kakich’ob’ ukojik wari’ we cholchak ri’”, xcha’ ri Taqawokajnel rech ri Ya’olchajinem pa Amaq’.