Rech taqim uk’amik ub’e’al ri chakunem, rech kach’ob’ ri ub’ela cholchakunem ri’, rech rilik ri chakum chik xuquje’ rech ri q’atenik b’anom chik chi ke ri narcotráfico ri’, eri quinto veciministerio rech Gobernación Fernando Rodas xmolin pa jun riqb’alil kuk’ ri q’atb’al tzij rech q’atel taq awan kunb’alil rech ri Subdirección General de Análisis de Información Antinarcótica (SGAIA) rech ri Wokajil Ajchajil Tinamit (PNC) ri’.
Eri viceministro Fernando Rodas xub’ij, “We riqb’al ib’ are rech katerenb’ex upatanaxik ri cholchak che ri taqom ub’anik rumal ri k’amal b’e Amaq’ Alejandro Giammattei xuquje’ rumal ri ministro rech Gobernación David Napoleón Barrientos, are ri’ ub’anom utz che ri q’atenik chi ke ri narcotráfico pa qatinamit”.
Eri ya’olchajinem tzukkunik rech q’atenik awan kunb’alil ri’ are xmajtaj loq pa le nab’e q’ij rech enero pa we q’ij ri’, are uya’om pa saqil rech xb’antaj kowonem xechapataj loq e lajuj chi winaqil che ri taqom loq kichapik rumal e k’o pa narcotráfico ri’ xuquje’ rumal ri’ xb’antaj kowonem xechapataj ri’ e 531 chi winaqil pa taq tzukunem ri’.
Xuquje’ xb’antaj kowonem xriqitajik 1 173 147 raqan ichaj tiko’n rech marihuana ri’ eri rajil are Q439 930 125 chi pwaqil ri’; xporox ri’ 8 667 350 chi ichaj tikom rech amapola ri’, eri rajil junam ruk’ Q216 683 750 chi pwaqil ri’ xuquje’ k’o 342 616 chi ichaj tikom rech coca xporox ri’ eri rajil are Q3 426 160 chi pwaqil ri’.
Xuquje’ xriqitaj 1662.24 chi upajb’alil cocaína ri’ eri rajil are Q170 781 395.15 ri’; k’o 2958.70 upajb’alil marihuana xriqitaj ri’, eri rajil are Q1 109 511.60 chi pwaqil ri’; jeri’ xriqitajik 6.58 chi upajb’al crack ri’, are junam ruk’ ri rajil Q468 776.99 chi pwaqil ri’.
Pa we q’ij ri’ eri uk’u’x b’anob’al uk’u’x awan kunb’alil porom chik k’o ri’ 500 chi toneladas métricas ri’. Xuquje’ eri q’axem chik k’o ri’ 217.14 toneladas métricas k’a pa taq ri k’olib’alil rech kakol wiri’.