Eri Disetur e k’o chik che ya’lchajinem winaqil che ri kepe che wa’katem pa qatinamit.
Eri uq’ijol ri Awas Q’ij are keche’xik kumal ri winaq kewa’katik pa taq ri k’olib’al uxulanib’al pa Iximulew, ri kepetik kewa’katik pa rulewal qatinamit xuquje’ chi la’ che ri qas ke’opan wi ri winaqil ri’. Rech sib’alaj keto’ik ri winaqil rech qatinamit kuk’ ri naj kapetik pa we q’ij ri’, rumal ri’ eri Ministerio rech Gobernación (Mingob) xub’ij, che pa le reqele’n ri División rech Seguridad Turística (Disetur) rech ri Wokajil Ajchajil Tinamit (PNC), ketajin che b’anoj Cholchajinem chi ke Wa’katelab’ pa Awas Q’ij 2023, rech k’o jun nimalaj chajinem kub’an chi ke ri winaqil e je’lb’anel.
Eri chak ya’olchajinem are kab’an kumal ri ajchajil tinamit rech taq ri 14 delegaciones rech ri Disetur, pa taq k’olib’al chajinem rech k’utb’e pa rulewal qatinamit, rech are kuya uchuq’ab’ ri ub’e’al chajinem ri’, rech uq’atexik ri e ajb’anol k’ax, rech uk’amansaxik b’iw b’ixik utzijol ri b’anoj k’ax xuquje’ rech kakub’isax kanima’ ri winaqil ri’.
Xuquje’ are taqim kachajixik ri winaqil pa kik’aslemal xuquje’ ri kachoch kijastaq ri e wa’katelab’ rech qatinamit kuk’ ri kepe pa taq tinamit naj. Rech ketob’an chi ke pa taq ri ke’opan wi che wa’katem, rech kakib’ij ucholajj ri jastaq katijik, ri kub’sib’al k’u’x ke’opan wiri’, rech keto’ik xuquje’ jeri’ pa taq b’anowem q’ijonem kojob’al.
Chajinem ri’
Eri Taqanel rech Operaciones rech ri wokaj ajchajinelab’, xub’ij che ruk’ ri cholchak ri’ are rech sib’alaj k’o jun nimalaj chajinem kab’an kumal ri ajchajinelab’, rech kakikub’isaj kachajixik ri winaqil che ri kepe loq, rech kek’oji chi’, rech are chi’ keb’e cho taq ixkanul, pa uk’olib’alil ojer tz’aqonem, chi uchi’ taq palow, pa je’l taq k’ache’laj, pa taq nimk’ayib’al xuquje’ pa taq telenche’ telentyox.
Pa taq le K’olib’al ri Ya’olchajinem Tzukunik ri kojom pa taq nimab’e rech qatinamit, eri ajchajil tinamit ri’, eri ajchajinel ri’ kakita kiwujil pa le awas q’ij rech kakilo we man taqom ta kichapik, we man keqam ta jastaq maj pa usaqil, ri kakoj pa b’anoj taq k’ax ri’, xuquje’ rech kakilo we katijom ta tzam xuquje’ awan kunab’al ri winaq are chi’ kakib’inisaj ch’ich’, kejach’ich’ xuquje’ rech kilik we man k’ot ch’ich’ kib’inisam eleq’am ri’.
Xuquje’ e k’o k’i ajchajil tinamit kechajin pa taq ri kakiriqo wi kib’ k’i taq winaqil, pa taq ri warib’al ja, pa k’olib’al ojer tz’aqonem ja, pa taq itinib’al, cho taq uxulanib’al ri’, pa taq kitak’alib’al ch’ich’, cho taq rachoch komontyox, k’ayib’al, pa taq pwaqb’al ja k’olme’r, pa uwach taq uxulanem pa tinamit xuquje’ pa rachoch nimk’ayib’al. Jeri’ k’o chajinem kakib’an che kaqan, chi rij kejach’ich’ kumal e ajchajil tinamit rech kakitaqij kachajiixik ri winaqil pa tinamit.
“Eri winaq kepe loq chi’ ya’talik rech kech’a’w pa le 5551-5547 xuquje’ we kakaj ke’opan pa taq ri sedes policiales ri’, rech kakita’o keto’ik, rech we k’o kakaj kakita utzijol wene’ rech k’o kakib’ij pa aninaqil”.
Eri Taqanel rech Operaciones Disetur-PNC, ri delegaciones rech Disetur e k’o pa rulewal qatinamit.