Are la’ uwach ri Ub’anob’alil ri Transformación Policial pa le Ucholchakunik ri Yakon Ja xuquje’ Loq’oj Ch’ich’ ri’, pa le oxib’ q’ij rech octubre ri xtaq upatanexik pa le Plan 36-2023 ub’i’ “Seguridad pa le Centro Histórico”, ruk’ wa’ are rech kaya uchuq’ab’ ri chajinem winaqilal che ri kewa’katik pa le Paseo rech le Sexta pa zona 1 rech uk’u’x nimatinamit.
Eri b’anonem ri’ are la’ xb’an pa le okib’al rech ri Ministerio rech Gobernación (Mingob) xuquje’ rumal ri Viceministro rech Seguridad, Carlos Franco Urzúa, ruk’ ri K’amal B’e rech ri Wokajil Ajchajil Tinamit (PNC) xuquje’ ri taqanel rech chajin tinamit, ri xkijach keb’ cuatrimotos ri’, keb’ chi alaj ch’ich’ multipropósitos xuquje’ ri 9 chi kejach’ich’ ri xya chi ke e 50 chi reqa’lenel ri Comisaría 11 rech ri Subdirección General rech Investigación Criminal (SGIC), ri Lobos Grill xuquje’ rech ri División rech Seguridad Turística (Disetur) ri’.
Eri Viceministro Franco Urzúa, xub’ij che ri cholchak ri’ sib’alaj xmajtaj ub’anik rech kechajixik ri winaqilal kumal ri e ajchajil tinamit ri kek’oji pa le Paseo la Sexta ri’.
“Xjach chi ke ri unidades policiales ri’ ri kejach’ich’ xuquje’ ri cuatrimotos rech kechajinik pa le 18 calle rech ri Tipografía Nacional k’a pa le 3ª calle 5-26 rech ri Parque San Sebastián rech ri zona 1 rech uk’u’x nimatinamit”, xcha’ ri taqawokajnel.
Rumal ri’ eri K’amal B’e rech ri PNC, Edwin Ardiano, xub’ij eri cholchak ri’ are la’ tajin ub’anik rumal xch’ob’ik rajwaxik kab’anik rech kaq’atexik ri e ajb’anol k’ax ri’. “Rumal ri’ kojtajin che uk’utik ri keta’mab’alil ri e qajchak, ri chakub’al kakojik xuquje’ ri ub’inisaxik ri chajinem che kaqan ri’, jeri’ chi rij taq ri kejach’ich’, ruk’ wa’ sib’alaj kaqeye’j ub’anik ri’ rech kak’aman chi ke ri winaqil rech k’o ri b’iw ub’ixik loq kumal rech pa le q’atenik ri b’anol k’ax ri’”.
Kaqaya utzijol ri’ che ri chajinem are kab’an ri’ kuk’ ri rajchak ri del Instituto Guatemalteco rech Migración (IGM) rech ketob’anik pa le b’anoj solinem chajinik chi ke ri winaqilal ri maj kiwujilal keqam rech kek’oji tane’ pa rulewal qatinamit.