Pa le Ministerio rech Gobernación (Mingob), xb’an pa le oxib’ q’ij rech mayo ri’, jun riqb’al ib’ kumal ri Viceministro rech Seguridad, ri Director General xuquje’ Adjunto rech ri Wokajil Ajchajil Tinamit (PNC), kuk’ ri winaqil rech taq ri wokja 10 xuquje’ 14 ri’, jeri’ ruk’ ri ajkalte auxiliar rech ri q’atb’al Tzij rech Iximulew, ri sib’alaj xkimaltyoxij ri tob’anik xya’taj chi kech kuaml ri wokajil rech ri PNC pa rachoch taq k’ayib’al xquje’ pa wokja winaqil rech chi la’ k’ut.
Eri winaqilal kuk’ ri e ajchoq’e wokajilal xkib’ij che ri riqb’al ib’ ri’ are rumal xb’an jun utzalaj chak kumal ri ajchajil tinamit, rumal ri’ xkita k’ut rech kaya uchuq’ab’ ri b’anoj chajinem ruk’ taq resab’al achib’al chajinem rech kakoj pa taq usuk’al k’olib’em pa tinamit.
Eri patanel rech ri Mingob, xub’ij che ri ajchajinelab’ ri’ e are kechajin pa tinamit ri’ e reqa’lenel ri División rech Seguridad Turística (Disetur), rech ri División Nacional rech Q’atenel ri Pandillas (Dipanda) ri’, rech ri Subdirección General rech Prevención rech ri Delito (SGPD) xuquje’ ri Lobos Grill ri’ ri e are e ajchajinel chi kech ri winaqil rech taq ri wokja ri’.
Eri winaq e ajwokja ri’ xkib’ij k’o nim upatanib’al ri tob’anem rumal ri wokajil ajchajin tinamit ruk’ juntir pa uq’ab’il rumal k’ut pa aninaqil kib’anom nim tob’anem ri’.
rumal ri’ eri K’amal B’e rech ri PNC, xub’ij che ri kichak are rech ketob’anik xuquje’ kechajinik, rech kek’oji kuk’ ri winaqil pa taq ri k’olib’al winaqil ri’.
Pa jun chik wuqq’ij petinaq ri’ kakimol kib’ chi rij b’anoj uchomaxik ri chajinem xuquje’ ri ilonik chi kech ri winaqilal e aj chi’ kuk’ ri kepe naj ke’opan chi’ pa le zona viva ri’.