Eri ub’anik ri kemon chajinem kumal ri wokajil ajchajin tinamit kuk’ ri rajch’ojab’ ri amaq’ tinamit kakiya uchuq’ab’ ri uchajixik ri tinamit ruk’ ri uq’atexik ri b’anow ri k’axk’olil
K’o jun nimalaj mulin kib’ rajchajinelab’ ri Wokajil Ajchajin Tinamit (PNC) kuk’ rajchajinelab’ Amaq’ Iximulew k’o pa taq nimab’e b’inib’em jeri’ pa taq ri k’olib’alil chomanik pa le nimalaj tinamit rech uq’atexik ri b’anow k’ax, pa kachajixik ri winaqilal xuquje’ rech ya’ik uchuq’ab’ ri chajinem pa taq ri k’olib’alil che ri kojom wi ri chajinik.
Pa taq ri b’e pa tinamit k’o uk’olib’al rech taqow chajinem solinik xkojik jawchi’ eri ajchajil tinamit, kachib’il rajchajinel amaq’ tinamit, kekisolij ri winaq rech kilitaj we man k’o ta q’atb’al tzij chi kij rech kechapik xuquje’ we man keqam taj ri awan jastaq kunb’alil.
Xuquje’ kekisolij ri ch’ich’ keb’inisaxik ruk’ taq ri kejach’ich’ rech kilitajik we man e elaq’am taj xuquje’ we man kekoj taq kumal nik’aj b’anol k’ax che ub’anik etzelal.
Ri Mario Sierra, nimalaj rajchajinel ri PNC, xub’ij che ruk’ we b’anow chak ri’ kataqixik uq’atexik b’anow k’ax chi rij ri kik’aslemal ruk’ ri jastaq kech ri winaq. Xuquje’ xub’an jun sik’inik chi ke ri winaq rech kakitzijoj loq apachike etzelal ruk’ sachib’al k’u’x kab’an chi ke ri’ kakib’ij loq pa le ch’aweb’al 110 rech chajil tinamit, xuquje’ pa 1561 rech Crime Stoppers.
We cholchakr ech chajinik ri’ kachi’laxik ruk’ ri b’inib’em pa kejch’ich’ xuquje’ rech b’anik chajinem solinik pa taq ri b’e, ri nimab’e xuquje’ pa taq ri ub’anikil b’e jawchi’ e k’i ch’ich’ keb’inik, xuquje’ pa taq ri k’olib’al rajawaxik wi rech kutzilob’isaj ri chajinik chi ke ri winaq pa le nimalaj tinamit.
We cholchak rech chajinik ri’ kachi’lixik ruk’ b’inib’em pa kejch’ich’ xuquje’ chajin solinem pa taq ri b’e, nimaq taq b’e xuquje’ taq ri rub’anikil b’e jawchi’ k’i ch’ich’ keb’inik, xuquje’ pa taq ri k’olib’al rajwaxik wi rech kutzilob’isaj ri chajinik rech ri winaq pa ri nimalaj tinamit.
Ri Adelino Miranda, rajk’amal ub’e ri Operaciones pa le Comisaría 14, sib’alaj xub’ij che we b’anik pa junam chak ri’ are tajin kab’an pa le Cholchak Taqanik 05-2026 ub’i’ “Semáforo Seguro”. Ruk’ wa’ kaqatzukuj uya’ik rutzilal xuquje’ ri chajiniik pa taq ri nima’q b’e pa kemon chak rumal ri Wokajil Ajchajil Tinamit ruk’ ri Rajcho’jab’ ri Iximulew”, xcha’.
Xaq pa le b’anow chak xb’antaj pa le 24 kajb’al q’axinaq, eri ajchajin tinamit xkitzijoj che xkichap e 110 winaq rumal t jalajoj taq b’anow k’ax xkib’ano xuquje’ ri uriqik loq job’ chi k’aqb’al q’aq’ rech b’anow k’ax, xuquje’ xechap loq 142 kejch’ich’ ruk’ 42 chi ch’ich’ keb’insaxik.