Pa ri nimaq’ij rech ri Rochochib’al ri Ixoqib’ Ajmayab’ pa Ronojel ri Uwach Ulew, ri K’amal B’e rech ri Wokajil Ajchajil Tinamit (PNC), rumal ri Uwokaj rech Tinamit Mayab’, kuya’ che ub’ixik ri uchak rech ri uya’ik jun komonil jikomal, junamilem xuquje’ k’ulanik ruk’ ri ya’talil chi ke ri ixoqib’ ajmayab’.
Ri job’ q’ij rech septiembre kub’ano che rajawaxik keta’max ri utz to’ol xuquje’ ri k’amal b’e’al kumal taq ri ixoqib’ ajmayab’ pa taq katinamit, xuquje’ ri uya’ik uchuq’ab’ ri chak rech kak’ul ri to’onik rech jikomal ruk’ utzijal, uk’aslemal, ruk’ nimab’al xuquje’ maj tasb’al ib’.
Ri Uwokaj ri Mayab’ Tinamit rech ri PNC kutob’anik rech kuq’ab’isaj ri wokajil chajin tinamit kuk’ ri winaqilal rech tinamit mayab’, ruk’ taq chak rech kutzir ri k’ulb’al ib’, rech kuya’ uchuq’ab’ ri tzijonem xuquje’ kusuk’umaj b’anik ri rajawaxik ruk’ ri k’aslemalil taq tinamit.
Eri chak ri’ xuquje’ kut’o uwach ri ukowirisaxik ri k’uxlab’il chuxo’l ri K’amal B’e rech Wokaj Chajin Tinamit kuk’ xuquje’ ri tinamit, pa q’ateb’al k’ax, ri b’anow tzijonem xuquje’ ri utzilaj k’ulb’al nimantzij k’o pa le nim rechajik ri ya’talil pa kik’aslemal ri winaqil.
We taq chak ri’ xuquje’ kuto’ ri ukuwirisaxik ri kuxlab’ixel chuxo’l ri K’amal B’e rech ri Winaqil xuquje’ ri tinamit, rumal ri q’atel k’ax, ri tzijonem xuquje’ jun utzilaj k’ulb’al k’o pa ri nim rechajik ri ya’talil winaqil.
Xuquje’ ri Junilal rech Q’atel Ch’oj pa taq Komonil (UPCV), pa we nimaq’ij ri’, kuya’ unimal ri k’amal b’e’al, ri to’onik xuquje’ ri nim kipatan ri ixoqib’ ajmayab’ che runimal katinamit xuquje’ ri tinamit ronojel. Xuquje’ kuya’ ub’ixik ri nim patan kakib’an pa ronojel taq k’olib’al rech kito’ ri ya’talil pa le kik’aslemal, xuquje’ ri uchajixik ri eta’manil, ri na’oj, ri ch’ab’al, ri b’anob’al xuquje’ ri ojer k’aslemal ri k’o pa ri jalajoj ub’antajik ri amaq’ tinamit.
Ri una’tasaxik we q’ij ri’ kuya’ chi uchuq’ab’ ri rajawaxik uk’amik b’i ri chak rech jikomal kub’alil xuquje’ q’atel k’ax ri kuya’ ri junamilem, ri k’ulb’al ronojel, ri ch’ab’alil k’aslemal xuquje’ ri nim rechajik kech ri ya’talil ixoqib’ ajmayab’, che ri runimal ukowirisaxik jun tinamit suk’, jikom xuquje’ k’o nim rechajik chi ke konojel ri winaq.