Paq’ij 14 rech marzo e k’o jun rech 16 chi winaqil e ajq’axel ri’ xeriqitajik are chi’ tajin e petinaq loq pa le kilómetro 176.8 pa ujuyub’al ri aldea Vado Hondo, Chiquimula ri’. E are k’ut xeq’atexik kumal ri Wokajil Ajchjil Tinamit (PNC) kuk’ ri Wokajil Ajchajil Amaq’ Iximulew pa le Puesto rech Control Interinstitucional (PCI) k’o chi la’ k’ut.
Eri reqa’lenel ri Subdirección General rech Análisis rech Información Antinarcótica (SGAIA) xuquje’ kuk’ ri División rech Puertos, Aeropuertos xuquje’ Puestos Fronterizos (Dipafront) ri’, xkib’an jun nimalaj tob’anik ri’ rech xkitzuqu ri winaq venezolana e ajq’axel ri’, rech te k’u ri’ xek’am b’i pa le Instituto Guatemalteco rech Migración (IGM), rech xb’an b’i kiwujilal ri’.
Rumal ri’ eri ajchajil tinamit kuk’ ri e ajchajil amaq’il xkib’an komonchak pa wokajilal ri’ rech kaq’atexik ri winaq maj kiwujilal keqax b’i, xuquje’ rech keq’atexik ri molaj b’anol k’ax e k’o pa narcotráfico, pa k’ayin awan jastaq, ri e ajb’anol ch’ijom k’ax chak chi ke winaq, ruk’ nik’aj chik.
Eri komonchak pa wokajilal ri’ are rumal ri Ministerio rech Gobernación (Mingob) xuquje’ ruk’ rumal Ministerio rech ri Defensa Nacional (MDN), rech uya’ik nim uchuq’ab’ ri chajinem ruk’ ri cholchak rech puqchajinem ri taqom ub’anik rumal ri K’amal B’e Iximulew, rech b’a’ qastzij kechajix ri winaqil ruk’ taq kijastaqil.