Are rech b’a’ taqim ujipixik b’anoj taq tijonem chi rij taq uchapik k’aqb’alil poq’sab’al ri’, rumal ri’ we q’ij kamik eri reqa’lemanel ri embajada rech Estados Unidos xumaj jun nim katijoxik ri e ajna’w tzukno’jchak rech ri División rech Investigación, Desactivación rech K’aqb’al xuquje’ Poq’sab’al ri’ (DIDAE) ri’.
Eri al Ilsias García, K’amal b’e rech ri Escuela rech Especialidades Policiales (EEPOL) ri’, xub’ij che ri sib’alaj utz tijonem ri’ are pa amaq’el ya’tal chi ke ri req’alenel ri ajchajil tinamit, ruk’ b’a’ juntir utob’anik ri embajada rech EE.UU ri’. xuquje’ xub’ij, “rajwaxik utz we kach’ob’ik rilik utorik ri poq’sab’al kab’an ri’ rech katulisaxik, rumal k’ut we xaq tane’ xaq k’a te’et kapoq’ik sib’alaj kub’an k’ax chi ke ri winaqilal ri’ xuquje’ rumal ri’ rajwaxik k’o ri k’uttijonik kab’an chi rij ri’ chi ke ri winaqilal rech b’a’ sib’alaj ketob’an chi rij wari’.
Pa le uwach wuqq’ij ri’ ketijox ri’ e lajuj chi e ajno’jinelab’ rajchajinel ri DIDAE ri’.
Eri tijonem ri’ sib’alaj pa amaq’el ri’ ya’tal chi ke e lajuj e ajno’jinelab’ ri wokajil ajchajil tinamit, rumal k’ut eri wokajil ajchajil tinamit ri’ rajwaxik keta’m k’ut kena’w k’ut che ukojik ri tob’chakub’alil ri’, xcha’ ri García.