Eri rajilab’al ri b’anoj k’ax chi ke ri winaqil e aj iximulew ri’ are wa’ xuk’utu che xqaj uchuq’ab’ ri’ k’a pa le nab’e q’ij rech enero k’a pa le 31 rech mayo man je ta ri’ pa le junab’ 2019 ruk’ ri rech pa le 2020.
Eri utzijol rajilab’al kumal e ajchajil tinamit sib’alaj xkib’ij che we kamik ri’ xuquje’ are wa’ maltyox che utz chajinem xb’an kumal ri wokajil ajchajil tinamit xuquje’ kumal ri sub direcciones rech ri (PNC) ri’ xekowin k’ut uq’atexik keleq’axik ri ch’ich’ ri’ rumal ri’ 102 xeleq’axik pa taq le nab’e jo’ob’ ik’ rech ri 2020 man je ta ri’ ruk’ ri 187 che ri xeleq’axik pa taq le q’ij ri’ rech pa junab’ir ri’.
Sib’alaj rajawaxik b’a’ kaya’ utzijolil ri chak rech q’atel k’ax b’anom pa we junab’ ri’ rumal ri’ xaq xu’ wiri’ 174 chi ch’ich’ e elaq’am b’i pa we junab’ ri’ are wa’ pa taq le jo’ob’ nab’e ik’ rech pa junab’ ri’ e pa junab’ir k’ut e k’o 307 chi xeleq’ax b’i ri’.
Pa we junab’ ri’ eri rajilab’al ub’ixik are kuk’utu che maj b’anoj elaq’ chik ri’ chi ke kejch’ich’ jeri’ chi ke ri ch’ich’ keb’inisax pa we amaq’ tinamit, eri b’anoj k’ax ri’ are qas xq’alajin kanoq rilik pa taq le junab’ xe’ok’ow ri’.