Pa kemon uq’atexik kumal taq reqa’lenelab’ ri Wokajil Ajchajin Tinamit (PNC) kuk’ ri ajchajinelab’ rech q’atb’al tzij pa taq tinamit rech Sacatepéquez ri’, sib’alaj xkib’an ri chajinem q’ateb’al ri’ rech uq’atexik ri b’anow taq awam opanriqonem kumal e’ajb’nsal kejach’ich’ pa nimab’e kab’e pa Antigua Guatemala ri’.
Pa taq le b’anow putzukunem ri’ k’o 72 chi tojb’al xkoj chi ke ri xkinimaj taj ri Taqanem Tzij rech Tránsito ri’, are rumal k’ut man kiwujil keqam xuquje’ rumal k’o ri kik’exom che ri releb’al sib’ chi ke taq ri kejach’ich’, ri sib’alaj kipaqab’isam ri uqul rech nim katonik are taq kakirumumij kib’.
Eri pwaq tojb’al xkoj ri’ k’o rech pa Q200 xuquje’ pa Q400 chi pwaqil rech qatinamit, jeri’ ruk’ ropanb’al ri kimak ri’. Eri q’atb’al tzij xkib’ij che ri puqtzukunem ri’ are sib’alaj kab’an ri’ pa jalajoj taq k’olib’alil rech pa rulewal ri amaq’ tinamit ri’ pa taq le b’anow chajinem, kaq’atexik pa taq nimab’e ri’.
Rumal ri’ sib’alaj xkib’an ub’ixik chi ke taq ri e’ajb’insal kejach’ich’ ri’ rech chakinimaj b’a’ ri retab’al b’anob’alil kiwa’katik pa taq nimab’e xuquje’ rech ketatb’enik pa taq ri q’atim uwach opanriqonem ri’ rech kakipetisaj ta chik k’axk’olil pa taq ri e’ajb’insal taq ch’ich’, jeri’ chi ke ri winaqib’ kewa’katik pa taq k’olib’alil ri’. Xuquje’ rumal ri’ sib’alaj xkiya ub’ixik chi ke taq ri winaqilal rech wexa’ k’o b’anow k’ax ri’ kakilo chakiya loq ub’ixik pa taq le 110 kuk’ ri PNC, xuquje’ pa le 1561 kui’ ri Crime Stoppers.