Pa jun loq’ ilb’anem xb’antajik are rech xetoj e b’elejeb’ ri uwinaqil rech ri Wokajil Ajchajil Tinamit ri’ rumal xtanab’ uq’ij kichak pa le wokajil ri’ rumal xeb’e pa uxulanem ri’, are la’ b’anikil tajin pale wokajil ajchajil tinamit ri’ che ri tajin k’amom ub’e rumal ri Ministro rech Gobernación, Gendri Rocael Reyes Mazariegos ri’, pa le b’anoj ub’e’al chakunem pa le Taqawokajnem ri’ xuquje’ pa le unimaxik ri Ub’anik ri Q’atanem Taqanik rumal ri Taqamaq’ ri’, rumal ri K’amol b’e Amaq’ Dr. Alejandro Giammattei ri’.
Eri xk’extaj pa le uq’ijol ri taqanem rech Previción Social Complementario rech ri PNC ri’ are la’ xuya’ pa retalil pa we q’ij ri’ jachin uwinaqil rajcha ri wokajil ajchajil tinamit kab’e pa uxulanem ri’ are k’o chik 20 junab’ uchak ub’anom ri’ are katoj chi rech 105 chi pwaqilem ri’, man Q.35 mil ta ri’ jacha’ k’o nab’e pa retal tojonik kanoq.
Ruk’ ri jun b’anoj ri’ are kaloq’ox uwach ri chak b’anom kumal ri reqa’lenel ri PNC che ri 20 junab’ wene’ ok’owinaq uwi uq’ij ri chak kumal, pa le chajin tinamit ri’.