Eri taqanel rech ri Departamento rech Tránsito rech ri Dirección General rech ri Wokajil Ajchajin Tinamit (PNC), Edgar René Mazariegos, xmolin kuk’ ri rajtaqanelab’ rech ri rajchajinelab’ taq tinamit rech pa k’utb’e ri’ (PT) ri’ xuquje’ kuk’ ri k’amal b’e ri k’amanaq Caravana del Zorro ri’.
Eri taqim are rech kachakuxik ri cholchak puqchajinem ri’ rech taqim kub’sib’al b’anoj wa’katem pa taq nimab’e ri’ pa le k’amananaq kib’ik ri puq e ajkejach’ich’ pa jujun taq junab’ ri’ pa le Basílica rech Esquipulas pa Chiquimula ri’.
Eri taqanel q’atol tzij rech Tránsito ri’ xub’ij che pa komonchak kuk’ ri wokajilal ri’ tajin rilik ub’anik pa utzilem ri jun Kib’ik ri Caravana rech ri Zorro 2023 ri’, rech pa jikomal nojimal keb’in ri e ajkejach’ich’ pa le nimab’e ri’, are la’ rech man k’ot k’ax kakiriqo.
Rumal ri’ tajin uchomaxik ri’ eri DTPNC ri’, kakib’an k’i taq ya’ltzijol pixab’nik ri’, xuqujje’ k’o k’olib’alil chajinem kakoj pa le nimab’e ri’, rech pa jikom kacholajil keb’e ri’, ketzalij loq pa le nim b’enam ri’.
Eri Mazariegos xub’ij che pa le riqb’alil ri’ xek’oji ri ajchomanelab’ rech ri PMT rech nimatinamit Iximulew, rech Guastatoya, rech Zacapa, rech Palencia, rech Teculután, rech Gualán xuquje’ rech Esquipulas ri’.
Rumal ri’ eri Gustavo Gonzál3z ri’, k’amal b’e rech ri Caravano del Zorro, xub’an jun nim sik’inem pixab’nik chi ke ri e ajb’enal ri’ rech kakiq’al kib’ kakitij ta tzam, rech kakititz’o ta kib’ chi rij ri kejach’ich’, jeri’ rech kakikoj ri kikasko, pa le nima b’enaq keb’e wiri’ rech maj jun kuriq ta k’ax ri’.