E k’o 48 chi alab’om alitom k’o kitzijol pa alertas Alba Keneth, e sachinaq e are ri’ xeriqitaj loq pa Villa Nueva, Amatitlán ri’, pa San Miguel Petapa xuquje’ pa Villa Canales, chi la’ k’ut sib’alaj xetzukux wi kuaml e ajchajil tinamit ri’.
Jeri’, xeriqitaj loq e 32 chi winaqil k’o kitzijol ya’om pa alerta Isabel Claudina, pa taq ri uq’ab’ tinamit ri’.
Eri q’atb’al tzij ri xkib’ij, xaq xu’ wiri’ pa Villa Canales, e k’o 32 chi ak’alab’ xuquje’ e q’apoj xeriqitaj ri’, e k’o kajib’ chi ixoqib’ xeriqitaj loq che ri e sachinaq k’o kitzijol ya’om pa Alerta Isabel Claudina ri’.
Pa Villa Nueva ri’ e k’o 31 alaj taq ala, taq ali xuquje’ e q’apoj xeriq loq xuquje’ e k’o kajib’ ri’j winaq ya’om kitzijol e sachinaq ri’.
Pa San Miguel Petapa xeriqitajik e 15 chi ak’alab’ xuquje’ e waqib’ chi ri’j winaq ri’. Konojel ri’ xek’am b’i pa Ministerio Público ub’i’ (MP) xuquje’ pa le Procuraduría General rech ri Amaq’il ub’i’ (PGN).