Are taqim k’ut katijob’exik rech kakakisuk’umaj kib’ ri winaqil e tz’apil pache’, rumal ri’ eri Q’atb’al tzij rech ri Wokaj Japache’ Tz’apib’al (DGSP), xe’utijoj pa konojel e 150 chi e ajpache’ pa wuqub’ b’anoj k’uttijonem rech kkemob’al atz’iyaq pa le rachoch japache’ k’o pa tinamit rech Xe’laju’, xecha’ ri q’atb’al tzij rech japache’ ri’.
Pa k’uttijonem ri’ eri e ajtijoxelab’ rech kemob’al atz’iyaq jalajoj uwach kaka’yik, k’o k’i ub’anik uwach ri’, are kamaj unuk’ik uwach ruk’ k’i b’atz’, rech te k’u ri’ kakunaxik pa juntir, are wa’ k’u ri’ kakich’ob’ ub’anik ri e ajpache’ xuquje’ are kumaj k’i taq q’ij ub’anik rech kakimaj ri kemonem ri’.
Eri tijonik ri’ are uwach ri cholchal rech suk’umalil che ri xtaq ukojik rumal ri DGSP rech kuya k’ak’ tijonem chi ke ri e ajpache’, rech kakich’ob’ jun k’ak’ kitaqkil ri kakojo are chi’ ketzalij pa kachoch are chi’ keb’el b’i pache’ ri’.
Eri jastaq kab’antaj kumal are kakik’ayij chi ke ri winaqil che ri ke’opan pa solinik chi’ xuquje’ pa k’ayib’al chi’, rech kakich’ak kipwaq, rech are kakikojo kakitzuqu ri kachalal pa kachoch.