Taqim k’ut ukojik utz taq uxulanib’alil pa taq ri japache’ tz’apib’al ri’ xuquje’ rech kab’an utzilem che ri k’olib’emal ri’, eri Dirección General rech ri Sistema Penitenciario (DGSP) xutaq ub’anik jun nim tijonem pa uwachwuj k’amq’aq’nil ri’ chi ke ri e ajchak kechakun pa taq le 23 japache’ tz’apib’al.
Rech xb’antaj ri tijonem kumal ri e ajno’jinelab’ rech Ecoins Guatemala, ri are xb’antajik pa le jo’ob’ q’ij xuquje’ pa le kab’lajuj q’ij rech pa we ik’ ri’. Pa taq le b’anoj tijonem ri’ are xb’an chi rij k’i uwach taq tijonik ri k’o nim upatanib’al rech kika’mulix ukojik jastaq ri’ ruk’ ri jalajoj taq b’anoj usuk’umaxik ri’.
“Are nim upatan kaqab’an utz che ri k’olib’emal ri’ xuquje’ rech kab’an utz ukojik ri jastaq rech kutz’alij ta uwach ri k’olem ri’. Are wa’ kab’an pa le k’uttijonem ri’ ri tajin uq’axexik ub’anik ri’, rumal k’ut are utzilem chi ke qonojel”, xcha’ ri Doris Estrada, k’amal b’e rech Ecoins Guatemala ri’.
Ruk’ ri tijonik ri’, are taqim ujipixik ub’anik wari’ chi ke ri e ajpache’ ri’, rech k’o kupatanij chi ke rech kakich’ak kipwaq kirajil, xecha’ riq’atb’al tzij rech wokajil japache’.