Pa jo’lajuj chi b’anoj tzukunik katajin ri’ kumal ri reqa’lenelab’ ri Wokajil Ajchajil Tinamit (PNC), pa komonchak kuk’ ri q’atol tzij rech ri Ministerio Público (MP), rech kechap loq ri nik’aj elaq’omab’ che ri kakitoq’ij pwaq chi ke winaq ri’.
Eri b’anoj tzukunem are katajin pa taq kachoch winaq e k’o pa Mixco, pa Nimatinamit Iximulewal, pa Santa Catarina Pinula, pa Palencia xuquje’ pa San José Pinula, chi’ k’u ri’ eri wokajil ajchajil tinamit, ketajin che usolixik ri’ rech keriq loq ri jastaq q’alajisab’al rech ya’b’al uchuq’ab’ uya’ik pa saq ri tzukno’jchak katajin pa uwi’ b’anoj k’ax ri’.
Eri utzijol wari’ xuya’ loq ri PNC, are kub’ij che katajin ri b’anoj tzukunem ya’olchajinik ri’, rech ya’b’al uchuq’ab’ ri chajinem katajinik are la’ rech uqa’texik ri b’anoj k’ax ri’ pa we amaq’.