Pa le jun b’anoj tzukunem ya’olchajinik xkoj pa le kilómetro 26 rech pa nimab’e, eri reqa’lenel ri Departametno rech Tránsito rech ri Wokajil Ajchajil Tinamit (PNC), sib’alaj ketajin che ya’ol pixb’anem chi ke e ajb’inisal ch’ich’ rech pa jikomal kewa’kat ri’ rech majun kuriq k’ax chi ke pa nimab’e.
Pa taq le b’anoj tzukunem ri’ xetatb’enik rajchaik ri Sección rech Educación Vial rech ri taqawokajil ri’, e are k’ut sib’alaj kakib’an jun nim pixb’anik chi kech ri e ajb’inisal ch’ich’ rech kakinimaj b’a’ ri retalil b’anoj wa’katem pa taq nimab’e rech kakiriq ta k’ax ri’.
Man xaq ta ri’ xkikoj pimawuj pa le pixb’anik ya’ltzijol rech maj jun kub’inisaj uch’ich’ we utijom tzam ri’, xane’ are rajawaxik kakikoj tob’al kijolom xuquje’ chaleco ri e ajb’inisal kejch’ich’, rech kaq’atataj kakiriq k’ax ri’.
Jeri’ kakicholajisaj kuwujil ri’, rech kakiya’ ta uwi’ keb’inisan ch’ich’, rech kakoj ta raqan kich’ich’ we kapilin ri’, rech kakisolij ri uwa’lib’alil kich’ich’, rech kakikoj yachb’al kipam, rech kakinimaj nik’aj chik pixab’nik chi ke ri’.