Eri Departamento rech Tránsito ri’ (DT), xub’ij we q’ij kamik pa enero k’a we kamik ri’, b’anom chik k’i uwach taq tijonem chi rij k’utb’e ri’ rech uq’atexik ri riqon k’ax kumal ri ch’ich’ pa ronojel ri qatinamit.
Eri rajilab’al tzijol ri’ rumal ri Sección rech Educación Vial rech ri DT xtijon chi rij ri k’utb’e xuquje’ chi rij q’atenik riqon k’ax ri’ pa taq nimab’e, chi ke e 24 660 chi e ajtijoxel rech ri nivel preprimario ri’, chi ke e 78 526 e ajtijoxel rech nivel primario ri’, chi ke e 67 952 chi e ajtijoxel rech básicos ri’ xuquje’ chi ke e 66 991 rech urox q’attijonem ri’.
Xuquje’ xetijoxik e 23 107 chi e aj iximulew ri’ ri e ajkojol rech taq ri kejach’ich’ xuquje’ chi ke e 8861 e ajb’inisal ch’ich’ rech erelwinaq pa taq tinamit, chi ke e 3723 rech ch’ich’ pa tinamit xuquje’ chi ke e 3798 rech eqa’nib’al ri’.
Eri q’atb’al tzij xkib’ij eri taqim keto’ik ruk’ ri pixb’anik chi ke ri ak’alab’, ri q’apoj alab’om alitom xuquje’ ri’j taq winaq ri’ rech kakinimaj utz ub’inisaxuj ri ch’ich’, rech b’a’ kaya ub’ixik rajwaxik qas kach’ob’ik utz kanimaxik ri taqanik tzij, rech kanimaxik ri retal taq k’utb’e xuquje’ man utz taj tijom tzam ri’. Xuquje’ xna’tixik che man kakoj taq ri ch’aweb’al are chi’ tajin ub’inisaxik ch’ich’.