Eri q’atb’altzij rech japache’ tz’apib’al keta’m k’ut ri itzelal k’axk’olil kupetisaj ronojel q’ij ri jun itzel yab’il coronavirus COVID-19 are chi’ xmajtaj loq xmajtaj k’ut ukojik k’i uwach taq b’anikil rech uq’atexik ri jun itzel yab’il ri’ are chi’ e k’i winaq xe’utzijo pa tinamit, rumal ri’ pa amaq’el tajin kakich’aj kib’ ri winaqil ri’.
Rumal ri’ pa ronojel chech ri japache’ ri’ xsaqab’isaxik, rech uq’atexik ri jun itzel yab’il ri’ rech ke’utzij taj ri e tz’apilik kuk’ ri e ajchajinelab’ pa japache’ xuquje’ rech maj jun kakam chi ke ri’.
Xuquje’ xeq’atexik ri winaqib’ rech ke’opan ta chik chi’, are wa’ rech uq’atexik jun itzel yab’il pa taq le kopanik chi’ ri kachalal ri e tz’apilik, eri oqxa’nib’al juntir kunam rij pa taq le okib’al rech pa japache’ ri’, rumal ri’ eri e ajchak xetijoxik xuquje’ xya’taj chi ke rech xechajin chi’, xuquje’ xtoq’ax ukojik ri kuchb’al kichi’ ri winaqil chi’ pa amaq’el ri’.
“Eri qachak uj ajq’atb’altzij are kaqilo utz kuwach ri e ajpache’ ri’ kuk’ ri e ajchajinelab’ chi’, are wa’ qas la uq’ij ri jun itzel yab’il ri’, rumal ri’ xaqataqo ri b’anoj saqib’sanik pa amaq’el chi’, rech pa joremal ki’kotemal kek’oji ri’ xuquje’ rech man k’ot itzelal k’axk’olil kakiriqo”, xcha’ ri K’amal b’e ri rech ri Wokajil Japache’.