Eri ya’ik pa uq’ijol taq ri chakunem tzukunik kumal ri Wokajil Ajchajin Tinamit (PNC) katajin ya’ik uchuq’ab’ ri tijonem chi rij ri uq’atexik taq ri b’anow k’ax pa keme’uwachwuj pa kaqiq’. Pawe q’ij kamik, e k’o 25 chi reqa’lenelab’ ri ajchajin tinamit ri xkimajo katijoxik chi rij taq b’anow tzukunem rech ub’anikil uq’atexik ri k’axk’olil pa le “Dark Web xuquje’ inteligencia artificial” ri’ are tijonem ri rajawaxik ya’tal chi ke ri reqa’lenelab’ ri taqawokajil chajin tinamit xuqujhe’ chi ke ri e’ajq’atol taq tzij pa amaq’ tinamit.
Eri tijonem are xb’antaj chi rij uch’ob’ik ub’anikil ri keme’uwachwuj pa kaqiq’ xuquje’ ri ukojik ri reta’mab’alil ri kemcahkub’al ri’ pa le uch’ob’ik ri ub’anikil taq ri k’ax, eri tijonik ri’kumal job’ q’ij uya’ik. Eri cholchak ri’ are la’ xtoq’ax ub’anik rumal le Oficina rech ri Naciones Unidos rech Q’ateb’al K’ayin Awan Kunb’al ub’i’ (UNODC), pa ub’anikil kitaqanik ri amaq’ib’ ruk’ pa le nim chajib’al kab’an pa le keme’uwachwuj pa kaqiq’, rech ya’ik uchuq’ab’ ri b’anow taq tzukunem chi rij ri’.
Eri riqonem ilob’anik ri’ are jun xk’oji ri taqanel rech Ciberdelitos rech ri División Especializada rech Investigación Criminal (DEIC), Marvin Castillo ri’, kuk’ ri rajtaqanelab’ ri Secretaría rech Q’ateb’al ri Violencia Sexual, Explotación xuquje’ ri Trata de Personas ri’ (SVET), kuk’ ri Instituto Nacional rech Estudios Estratégicos rech Seguridad pa Iximulew (INEES) xuquje’ rech ri Ministerio Público (MP) ri’.
Pa le riqon ib’ eri e’ajtatab’enelab’ xkiya utzijol ri utz taq chakunem kib’anom kik’aslemam pa le utzukuxik ri keme’uwachwuj pa kaqiq’b’alil, rech xtaqixik ya’ik uchuq’ab’ ri kichak taq ri wokajilal pa le uq’atexik taq ri k’ax, pa le ub’anik taq ri tzukunem xuquje’ pa uq’atexik taq ri b’anow k’ax ub’i’ ciberdelitos ri’ rech kab’an jun utzilaj kachajixik ri winaqilal e’aj iximulew ri’.