Eri q’atb’al tzij rech ri Subdirección General rech Estudios xuquje’ Doctrina (SGED), rech ri Wokajil Ajchajil Tinamit (PNC), xetatab’enik pa le umajb’al ri b’anoj tijonem rech ri ya’el uchuq’ab’ kichak ri reqa’lenel ri Fuerzas rech Tarea rech q’atenik awan kunb’alil ri’.
Eri taqim ri’ are ya’el uchuq’ab’ ri chak chi rij q’atenik awan kunb’alil , rech ukojik jalajoj taq uwach ri tob’chakub’alil jacha ri MI-3; rech una’tixik ukojik taq jalajoj uwach k’aqb’alil ri’.
“Man awatil ta chik uwah che pa taq k’ulb’a’t juyub’ tinamit chi’ k’ut keriqitaj wi ri winaqil ri man kakito’o ta kib’ ri’ xuquje’ rajwaxik k’ut keto’ik kechajixik, qeta’m k’ut che ri k’ulb’a’t juyub’ ri pa uwachulew chi la’ k’ut qas ke’ok’ow wi winaq ri’, man xaq ta ri’ chi ke ri winaqil, xane’ jeri’ che ri qatinamit xuquje’ pa juntir ri’”, xcha’ ri Anner Florián, Secretario Técnico rech ri SGED.
Xub’ij chik, che “ri kichaj e ajchajil tinamit pa taq le k’ulb’a’t juyub’ pa amaq’ k’o jun nim ropanb’alil, are rech b’a’ eri ya’olchajinem are ri’ kab’anik jacha ri rajwaxik rech pa le ya’olchajinem winaqil, rumal ri’ sib’alaj k’o nim upatanib’al ri k’uttijonem ri’”.
Eri tijonem ri’
Eri q’atb’al tzij xkib’ij che xetijon chi rij ri’ le ub’anikilem ri’, juntir ri kil pa le uwach tijonem ri’, are la’ xya’taj kumal e ajtijonelab’ ri’.
Eri eqa’lenel chajin tinamit xetijoxik chi rij taq ri ya’talil pa kaq’ab’ ajchajinel, ri Ub’antajil Chajinem rech ri Seguridad Integral Comunitario (MPSIC), ri puqchajinem kumal ajchajil tinamit xuquje’ chi rij b’anoj to’w ib’, pa jun ub’anik pa juntir chi ke ilom kumal e ajtijonel ri’, xuquje’ xkoj ri ub’anikil chi rij k’ak’ b’anoj taq nuk’chomanem ri’, chi rij ch’ob’oj suk’umalil, chi rij ya’om chik ucholajil ub’ixik, chi rij k’utuwachil b’anoj ri’ xuquje’ k’uttijonem rech b’anoj chomanem ri’.