Eri Yotzaida García Sub Directora rech ri Sub Dirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC) xuya’ ub’ixik che uj k’o ruk’ ri cholchak pa amaq’ xuquje’ pa le nimacholchak rech ri wokajil ajchajil tinamit pa q’atenik ri Coronavirus ri’.
“Kojtajin k’ut che b’anoj tzukunem ya’olchajinik pa taq le nimab’e xuquje’ pa taq le k’olib’al winaqil rech pa le q’atenik b’anoj k’ax ri’ rech eri winaq kakinimaj b’a’ che man k’ot b’anoj wa’katem chaq’ab’ ri’ k’a pa le kajib’ kajb’al rech pa nimaq’ab’ rech pa jun chik q’ij ri’”, xcha’ ri Subdirectora ri’.
Xub’ij chik, eri reqa’lenel antinarcòticos ketajin che b’anoj tob’anik ruk’ ya’olchajinik che kaqan pa le Toque de Queda” ri’, pa uk’u’x nimatinamit jeri’ pa we amaq’ ri’.
Xuquje’ eri Garcìa xub’ij, che ketajin che b’anoj uchoamaxik ronojel q’ij ri uq’atexik ri narco menudeo, rech uraqik taq awan kumb’alil xuquje’ ri tiko’nib’al rech Marihuana ri’.
Katajin upatanixik nik’aj chik tzukno’jchak, rech teremb’enikub’anik, ronojel ri tzukno’jchak, rech ukub’isaxik uwach ri chak ri’ rech utz ub’anik ri chak kab’an kumal ri e ajchakunel ri’ jacha’ ri kekowin che ub’anik ri’ xuquje’ rech uchakuxik ri taqom ub’anik rumal ri K’amal b’e Amaq’ chi rij le utzwachil le winaqil ri’ xcha’ ri Sub directora Antinarcòtica ri’.