Pa le uq’ijol unimaq’ij rech ri 75 junab’ chik rech teke’lemal xuquje’ rech ri 50 junab’ chik tajin ri k’amoj ib’ tzijob’enik chi kuwach ri nimatinamit India ruk’ Iximulew ri’, pa le xk’ut wi ri b’anoj Danza Clásica India (Kathak), chi rij ub’anik ri kichak keta’mab’alil ri ixoqib’ pa jalajoj uwach taq patanem pa tinamit. Rumal ri’ kamik pa le waqib’ kajb’al rech qajib’al q’ij are ilib’anem kab’an pa le Nimaja ub’i’ Gran Sala Efraín Recinos rech ri Centro Cultural Miguel Ángel Asturias ri’.
Eri tzijolil ri loq’ ilib’anem rech no’jk’aslemal are xb’antaj pa saqarem kamik rech we lunes ri’, chi’ k’ut xk’oji wi ri viceministro rech Q’atenik k’ax, Ronald Portillo, ri embajador Manoj Kumar Mohapatra xuquje’ ruk’ ri grupo coreográfico e ajxojoj b’ixonel ri’.
Eri Portillo, xub’ij k’ut che ri chakunem ri’ are rech katijoxik ri e 3500 chi ixoqib’ rech jalajoj uwach b’anoj chak patan ri’.
“Eri unimaq’ij ri no’jk’aslemal ri’ are k’o nim upatanib’al xuquje’ rumal ri’ e qato’om ri e ixoqib’ rech kakiterenb’ej ub’anik wari’ pa b’anoj utzilem chi ke ri kachalal pa kachoch xuquje’ rech k’o ri kaketa’maj kakich’ob’ ri’”, xcha’ ri Viceministro Portillo ri’.
Eri embajador Manoj Kumar, sib’alaj kuloq’oj uwach uto’ik ri nimataqawokajnem rech Ya’olchajinem pa Amaq’, rech kato’n chi ke ri winaqil e aj iximulew ri’.