Eri q’atb’al tzij kuk’ rajchomanelab’ ri q’atow tzij ketajin che unuk’ik ub’e ri etab’anem chomanik, rech kasuk’umaxik kachomab’al ri winaqil e tz’apilik rech kisuk’ub’am chik kachomab’alil ketzalij pa kachoch.
Eri viceministro rech Seguridad, a Roberto Solórzano xuquje’ ri nim k’amal b’e rech ri Taqawokaj Japache’ Tz’apib’al, a Jorge López Dellachiessa, xeb’e pa jun molaj kuk’ ri rajchomanelab’ ri Comisión Nacional rech ri Sistema Penitenciario (CONASIP), che xnuk’ wi ri unimaxik ri cholajil rech ri k’amal b’e taqanik pa taqawokaj japache’ tz’apib’al rech ri amaq’ tinamit.
Pa le q’ij ri’, eri k’amal b’e q’atb’al tzij xkiq’alajisaj ub’ixik ri ucholajil ri nuk’um ch’ob’ik xuquje’ xkisolij ri chakub’al rech chak, uwach b’anik b’anow chakunik, tijonik, ri jikomal chomanik xuquje’ b’anik chak winaqil, ri uwach taq ri b’anow ch’ob’ik chi ke ri winaq e tz’apilik.
Ya’el uchuq’ab’ pajb’al ch’ob’ow eta’manik
Ri runik’oxik wa’ chak kuto’o rech kterne’x ri jaljoj cholaj rech runik’oxik xuquje’ ruk’iyik ri winaq e tz’apilik pa ri cholb’al tz’apib’al.
Eri usolixik wa’ uwach chak are rech kuto’o rech katerne’xik ri jalajoj nuk’ub’al uwach ri b’anow pajb’al ch’ob’om eta’manik xuquje’ rech suk’umalil kib’ ri winaqil e tz’apilik pa le taqawokaj japache’ tz’apib’al. Ri b’anow chak ri’ are rech katerne’x ya’ik uchuq’ab’ taq ri b’anon uchakuxik ri k’ak’ taqanem ri’, pa le uchomaxik uwach taa ri chakub’al rech ch’ob’ow eta’manik ri’.
Xuquje’ xkinik’oj ri ucholajil kitob’axik ri winaq k’o k’ax pa kiwi’ xuquje’ ri chak k’o pa ri cholchak k’o unawik, rech kuya’ chuq’ab’ ri ilonem pa ri SP. Ri k’amal b’e xkiq’alajisaj unimarisaxik ri chak rech tz’apib’al xuquje’ ri wuj rech taqanik chi rij nik’onik, k’ak’alisaxik xuquje’ uq’atexik ri tob’anik kech ri winaq e tz’apilik.
ri q’atb’al tzij xuquje’ xkik’ut uq’alajisaxik uwach ri chak ri’ ruk’ ri tijonem rech ri b’anikil ri patan pa japache’ tz’apib’al, ruk’ ri b’anob’al ri rajawaxik kachakuxik pa b’anik uwach ri ch’ob’ik eta’manem, rech sukub’an ib’ chi ke xuquje’ rech k’ak’ utzilem chi ke ri winaq e tz’apilik pa tojb’al kimak.
Pa ri moloj riqonem ib’ xek’oji wi ri rajchomanelab’ ri Q’atb’al Tzij (OJ) xuquje’ ri k’amal b’e rech ri SP, ri xkichomaj uya’ik uchuq’ab’ ri b’anow chakunik pa jalajoj taq kemonchak.