Eri jachib’al uq’ab’ uwach uchak ri PNC ruk’ runimal uchak kub’an ri’ are la’ qas nab’ejsam rumal le ministro rech Gobernación, Marco Antonio Villeda, rumal ri’ kab’an uterne’xik ri ucholchak ri taqawokajil ri’.
Pa uterne’xik ri Cholchak rech ukojik ri Centros rech Operaciones Policiales (COP) ri’, eri q’atb’al tzij xkib’an jun opanem solinik pa le Delegación Antinarcótica rech El Triunfo, pa Morales, Izabal, rech xb’an retaxik ri usuk’umaxik uwach ri nimaja rajawaxik kakoj ri’.
Eri COP are xwok ub’anik rech ya’ik uchuq’ab’ ri b’anow chajinem rech kaq’atexik ri nik’aj molaj b’anow k’ax kuk’ ri narcotráfico xuquje’ ri nuk’molaj pa kulewalil ri amaq’ib’ nimatinamit, rech b’a’ kakub’isax kachajixik ri k’ulb’a’t juyub’ xuquje’ ruk’ nik’aj chik.
Eri ukojik ri ‘anow puqtzukunem ri’ are la’ kub’an utz che ri kichak ri Wokajil Tinamit Winaqil (PNC) chi uwach taq ri b’anow k’ax ri’, xuquje’ rech kaya uchuq’ab’ ri kaq’atexik ri nuk’molaj b’anow k’ax ri kakib’an k’ax pa taq wokja rech ri amaq’ tinamit.
Eri utz kak’oji wi ri nim rachoch El Triunfo ri’ are la’ rech kub’an jun nim ujipixik ri puq utzukunik ri COP ri’ pa taq le juyub’al chi la’ k’ut, pa ub’anik le sak’ajil tzij rech kuk’am kib’e ri puqtzukunem kumal e’ajchajin tinamit xuquje’ rech kab’an ri ya’olchajinem ri’.
Eri kariqitaj wi ri Morales, pa le patanib’al tinamit rech Izabal ri’, k’o nim uq’ijol chi uwach ri nimab’e rech b’eyanik jeri’ pa taq le rulewal k’ulb’a’t juyub’ ri’ rech ri usuk’il releb’al kaqiq’ pa amaq’ tinamit, are ri’ kuya kichuq’ab’ ri e’ajchajinelab’ pa taq k’ulb’a’til ri’ rech are katob’anik pa le jun utz kaq’atexik taq ri nik’aj molaj b’anol k’ax ruk’ taq ri narcotráfico ri’.